တောင်ငူမြို့၊ စုံစမ်းစစ်ဆေးမှု အတတ်ပညာ သင်ကျောင်း၌ ဦးစီးအရာရှိ (စုံစမ်းရေး) မွမ်းမံသင်တန်း အမှတ်စဉ် (၁/၂၀၁၉) သင်တန်းဆင်းပွဲ ကျင်းပပြုလုပ်

ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့ရှိ အထူးစုံစမ်း စစ်ဆေးရေး ဦးစီးဌာန၊ စုံစမ်းစစ်ဆေးမှု အတတ်ပညာသင်ကျောင်း၌ ၁၀-၁-၂၀၂၀ ရက်နေ့ (၀၈၃၀)အချိန်တွင် ဦးစီးအရာရှိ (စုံစမ်းရေး) မွမ်းမံ သင်တန်း အမှတ်စဉ်(၁/၂၀၁၉) သင်တန်းဆင်းပွဲ အခမ်းအနား ကျင်းပပြုလုပ်ခဲ့ကြောင်း၊ အခမ်းအနားတွင် အထူးစုံစမ်း စစ်ဆေးရေးဦးစီးဌာန၊ ဒုတိယညွှန်ကြားရေးမှူးချုပ် ဦးသိန်းနိုင်ထွန်းမှ အမှာစကား ပြောကြားခဲ့ပြီး သင်တန်းထူးချွန်ဆုရ သင်တန်းသားများအား ဆုချီးမြှင့်ပေးခဲ့ပါသည်။

ဦးစီးအရာရှိ (စုံစမ်းရေး) မွမ်းမံသင်တန်းသို့ အထူးစုံစမ်း စစ်ဆေးရေးဦးစီးဌာနမှ သင်တန်းသား (၂၀)ဦး၊ သင်တန်းသူ(၂)ဦးနှင့် အဂတိလိုက်စားမှု တိုက်ဖျက်ရေးကော်မရှင်မှ သင်တန်းသား(၃)ဦး၊ စုစုပေါင်း (၂၅)ဦးတို့ သင်တန်းကာလ ရက်သတ္တပတ် (၈)ပတ် တက်ရောက်ခဲ့ကြပါသည်။