အထူးစုံစမ်းစစ်ဆေးရေးဦးစီးဌာန ဥပဒေဘာသာရပ်(အထူး) သင်တန်းအမှတ်စဉ်(၄)ဆင်းပွဲအခမ်းအနား
၂၉-၈-၂၀၂၅ ရက်နေ့ (၀၉၀၀)အချိန်တွင် ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့၊ စုံစမ်းစစ်ဆေးမှုအတတ်ပညာသင်ကျောင်း၌ အထူးစုံစမ်းစစ်ဆေးရေးဦးစီးဌာန၊ ဥပဒေဘာသာရပ် (အထူး)သင်တန်းအမှတ်စဉ်(၄) သင်တန်းဆင်းပွဲ အခမ်းအနားကျင်းပပြုလုပ်ခဲ့ပါသည်။ အခမ်းအနားသို့ အထူးစုံစမ်းစစ်ဆေးရေးဦးစီးဌာန ဒုတိယညွှန်ကြားရေးမှူးချုပ်(စီမံ၊ ဥပဒေ၊ သတင်း/နည်းပညာ)၊ ဥပဒေနှင့်အကျိုးဆောင်ဌာနမှ ညွှန်ကြားရေးမှူး၊ စုံစမ်းစစ်ဆေးမှုအတတ်ပညာသင်ကျောင်းမှ ကျောင်းအုပ်ကြီး၊ ဒုတိယကျောင်းအုပ်ကြီး၊ ဌာန၊ ဌာနစုများမှ ဒုတိယညွှန်ကြားရေးမှူးများ၊ လက်ထောက်ညွှန်ကြားရေးမှူးများ၊ စုံစမ်းစစ်ဆေးမှုအတတ်ပညာသင်ကျောင်းမှ အမှုဆောင်ဝန်ထမ်းများနှင့် သင်တန်းသား (၁၉)ဦး၊ စုစုပေါင်း (၃၀)ဦးခန့် တက်ရောက်ခဲ့ကြပါသည်။ အခမ်းအနားတွင် ဒုတိယညွှန်ကြားရေးမှူးချုပ်(စီမံ၊ ဥပဒေ၊ သတင်း/ နည်းပညာ)မှ သင်တန်းဆင်းပွဲမိန့်ခွန်း ပြောကြားပြီးနောက် သင်တန်းတွင် ထူးချွန်ဆုရရှိသော သင်တန်းသား(၃)ဦးအား ဆုချီးမြှင့်ခြင်းနှင့် သင်တန်းသားများ ကိုယ်စားသင်တန်းသား (၁)ဦးအား သင်တန်းဆင်းလက်မှတ်များ အသီးသီးချီးမြှင့်ပေးခဲ့ပါသည်။ ထို့နောက် ဒုတိယညွှန်ကြားရေးမှူးချုပ်က သင်တန်းသားများအား လမ်းညွှန်အမှာစကားပြောကြားခဲ့ပြီး အခမ်းအနားပြီးဆုံးခဲ့ပါသည်။
ဒုတိယညွှန်ကြားရေးမှူးချုပ်က သင်တန်းဆင်းအမှာစကားပြောကြားသည့် မှတ်တမ်း
ဥပဒေဘာသာရပ်(အထူး)သင်တန်းအမှတ်စဉ်(၄) သင်တန်းသားများ တရားရုံးလက်တွေ့သရုပ်ပြ ဆောင်ရွက်နေသည့်မှတ်တမ်း
