ဒုတိယစုံစမ်းရေးမှူး လုပ်ငန်းခွင်ဝင်သင်တန်း အမှတ်စဉ် (၆) သင်တန်းဖွင့်ပွဲ အခမ်းအနားကျင်းပ

စုံစမ်းစစ်ဆေးမှု အတတ်ပညာသင်ကျောင်း၌ ဒုတိယစုံစမ်းရေးမှူး လုပ်ငန်းခွင်ဝင်သင်တန်း အမှတ်စဉ် (၆) သင်တန်းဖွင့်ပွဲ အခမ်းအနားကျင်းပ

 

အထူးစုံစမ်းစစ်ဆေးရေးဦးစီးဌာန၊ စုံစမ်းစစ်ဆေးမှုအတတ်ပညာသင်ကျောင်း၌ ၈-၇-၂၀၂၄ ရက်နေ့ (၀၈၃၀) အချိန်တွင် အထူးစုံစမ်းစစ်ဆေးရေးဦးစီးဌာန၊ ဒုတိယစုံစမ်းရေးမှူးလုပ်ငန်းခွင်ဝင်သင်တန်း အမှတ်စဉ်(၆) သင်တန်းဖွင့်ပွဲ အခမ်းအနားကျင်းပပြုလုပ်ခဲ့ရာ အခမ်းအနားသို့ အထူးစုံစမ်းစစ်ဆေးရေး ဦးစီးဌာန၊ ဒုတိယညွှန်ကြားရေးမှူးချုပ်၊ ဒုတိယညွှန်ကြားရေးမှူးများ၊ ကျောင်းအုပ်ကြီး၊ ဒုတိယ ကျောင်းအုပ်ကြီးနှင့် ဖိတ်ကြားထားသော လက်ထောက်ညွှန်ကြားရေးမှူးများ၊ စုံစမ်းစစ်ဆေးမှု အတတ်ပညာသင်ကျောင်းမှ အမှုဆောင်ဝန်ထမ်းများနှင့် သင်တန်းသား (၅၆) ဦး၊ စုစုပေါင်း (၇၀) ဦးခန့် တက်ရောက်ခဲ့ကြပါသည်။

အခမ်းအနားတွင် ဒုတိယညွှန်ကြားရေးမှူးချုပ်မှ သင်တန်းဖွင့်ပွဲ မိန့်ခွန်းပြောကြားကာ သင်တန်းအားဖွင့်လှစ်ပေးခဲ့ပြီး သင်တန်းသားများနှင့်တွေ့ဆုံ၍ လမ်းညွှန် အမှာစကားပြောကြားခဲ့ပါသည်။ အဆိုပါသင်တန်းအား ၈-၇-၂၀၂၄ ရက်နေ့မှ ၃၁-၈-၂၀၂၄ ရက်နေ့ထိ ရက်သတ္တပတ် (၈)ပတ်ကြာ ဖွင့်လှစ်သင်ကြားမည်ဖြစ်ပြီး ဦးစီးဌာနချုပ်ရှိ ဌာနများ၊ တိုင်းဒေသကြီး/ ပြည်နယ်ရုံးများမှ ဒုတိယစုံစမ်းရေးမှူး အမျိုးသား (၃၆)ဦးနှင့် အမျိုးသမီး (၂၀)ဦးတို့ တက်ရောက်လျက် ရှိပါသည်။

 

 

၂၀၂၄ ခုနှစ်၊ ဇွန်လ စာပေဟောပြောပွဲ ကျင်းပပြုလုပ်ခြင်း

အထူးစုံစမ်းစစ်ဆေးရေးဦးစီးဌာန၊ ၂၀၂၄ခုနှစ်၊ ဇွန်လ စာပေဆွေးနွေးဟောပြောပွဲ ကျင်းပပြုလုပ်သည့်သတင်း

အထူးစုံစမ်းစစ်ဆေးရေးဦးစီးဌာနတွင် တာဝန်ထမ်းဆောင်လျက်ရှိသောဝန်ထမ်းများ အသိဉာဏ်ဗဟုသုတ များ တိုးပွားလာစေရေး၊ လူ့စွမ်းအားအရင်းအမြစ်များ ပိုမိုဖွံ့ဖြိုးတိုးတက်လာစေရေးတို့ ဖြစ်ပေါ်လာ စေရန် ရည်ရွယ်ချက်များဖြင့် စာပေဆွေးနွေး ဟောပြောပွဲများအား လစဉ်ကျင်းပပြုလုပ်လျက်ရှိရာ ၂၀၂၄ ခုနှစ်၊ ဇွန်လအတွက် စာပေဆွေးနွေး ဟောပြောပွဲအား ၂၇-၆-၂၀၂၄ ရက်၊ ၁၄၃၀ အချိန်မှ ၁၅၂၅ အချိန်ထိ အထူးစုံစမ်းစစ်ဆေးရေးဦးစီးဌာန၊ စစ်ဆေးရေးဌာနအောက်ထပ်ရှိ အစည်းအဝေးခန်းမ၌ ကျင်းပပြုလုပ်ခဲ့ ပါသည်။ စာပေဆွေးနွေး ဟောပြောပွဲသို့ ဦးစီးဌာနချုပ်ရုံးရှိဌာနများမှ ဝန်ထမ်းများ တက်ရောက်ခဲ့ကြပြီး စီမံခန့်ခွဲရေးနှင့် လေ့ကျင့်ရေးဌာနမှ ဝန်ထမ်းတစ်ဦးက “ခိုင်မာသော ဝန်ထမ်းအင်အား တည်ဆောက်ခြင်း” ခေါင်းစဉ်ဖြင့်လည်းကောင်း၊ ဥပဒေနှင့်အကျိုးဆောင်ဌာနမှ ဝန်ထမ်းတစ်ဦးက “အီလက်ထရောနစ်မှတ်တမ်းများကို စာတမ်းအမှတ်အသားအဖြစ် သက်သေခံ တင်သွင်းခြင်း” ခေါင်းစဉ်ဖြင့်လည်းကောင်း၊ စုံစမ်းရေးနှင့် ငွေကြေးဆိုင်ရာဌာနမှ ဝန်ထမ်းတစ်ဦးက “Paper Gold အကြောင်းသိကောင်းစရာများ” ခေါင်းစဉ်ဖြင့်လည်းကောင်း အသီးသီးဆွေးနွေး ဟောပြောခဲ့ကြပါသည်။

 

“ခိုင်မာသော ဝန်ထမ်းအင်အား တည်ဆောက်ခြင်း” ခေါင်းစဉ်ဖြင့် ဆွေးနွေးစဉ်

 

“အီလက်ထရောနစ်မှတ်တမ်းများကို စာတမ်းအမှတ်အသားအဖြစ် သက်သေခံ တင်သွင်းခြင်း” ခေါင်းစဉ်ဖြင့် ဆွေးနွေးစဉ်

 

“Paper Gold အကြောင်းသိကောင်းစရာများ” ခေါင်းစဉ်ဖြင့် ဆွေးနွေးစဉ်

ဒုတိယစုံစမ်းရေးမှူး လုပ်ငန်းခွင်ဝင်သင်တန်း အမှတ်စဉ်(၅) သင်တန်းဆင်းပွဲအခမ်းအနား

စုံစမ်းစစ်ဆေးမှုအတတ်ပညာသင်ကျောင်း၌ ဒုတိယစုံစမ်းရေးမှူး လုပ်ငန်းခွင်ဝင်သင်တန်း အမှတ်စဉ် (၅) သင်တန်းဆင်းပွဲအခမ်းအနားကျင်းပ

 

အထူးစုံစမ်းစစ်ဆေးရေးဦးစီးဌာန၊ စုံစမ်းစစ်ဆေးမှုအတတ်ပညာသင်ကျောင်း၌ ၂၁-၆-၂၀၂၄ ရက်နေ့(၀၈၃၀)အချိန်တွင် အထူးစုံစမ်းစစ်ဆေးရေးဦးစီးဌာန၊ ဒုတိယစုံစမ်းရေးမှူး လုပ်ငန်းခွင်ဝင်သင်တန်းအမှတ်စဉ်(၅) သင်တန်းဆင်းပွဲအခမ်းအနား ကျင်းပပြုလုပ်ခဲ့ရာ အခမ်းအနားသို့ အထူးစုံစမ်းစစ်ဆေးရေးဦးစီးဌာန၊ ဒုတိယညွှန်ကြားရေးမှူးချုပ် (စီမံ၊ ဥပဒေ၊ သတင်း/နည်းပညာ)၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ စုံစမ်းစစ်ဆေးမှုအတတ်ပညာသင်ကျောင်းမှ ကျောင်းအုပ်ကြီး၊ ဒုတိယကျောင်းအုပ်ကြီးနှင့် ဖိတ်ကြားထားသော လက်ထောက်ညွှန်ကြားရေးမှူးများ၊ စုံစမ်းစစ်ဆေးမှုအတတ်ပညာသင်ကျောင်းမှ အမှုဆောင်ဝန်ထမ်းများနှင့် သင်တန်းသား (၅၆)ဦး၊ စုစုပေါင်း(၇၀)ဦးခန့်တက်ရောက်ခဲ့ကြပါသည်။

အခမ်းအနားတွင် ဒုတိယညွှန်ကြားရေးမှူးချုပ် မှသင်တန်းဆင်းပွဲမိန့်ခွန်းပြောကြားပြီးနောက် သင်တန်းတွင် ထူးချွန်ဆုရရှိသော သင်တန်းသား (၃)ဦးအား ဆုချီးမြှင့်ခြင်းနှင့် သင်တန်းသားများကိုယ်စား သင်တန်းသား(၁)ဦးအား သင်တန်းဆင်းလက်မှတ်များ အသီးသီးချီးမြှင့်ပေးခဲ့ပါသည်။ အဆိုပါ သင်တန်းအား ၂၉-၄-၂၀၂၄ ရက်နေ့မှ ၂၁-၆-၂၀၂၄ ရက်နေ့ထိ ရက်သတ္တပတ် (၈)ပတ်ကြာ ဖွင့်လှစ်သင်ကြားခဲ့ပြီး ဦးစီးဌာနချုပ်ရှိ ဌာနများ၊ တိုင်း‌ဒေသကြီး/ပြည်နယ်ရုံးများမှ ဒုတိယစုံစမ်းရေးမှူး အမျိုးသား(၃၇)ဦးနှင့် အမျိုးသမီး(၁၉)ဦး တို့တက်ရောက်ခဲ့ပါသည်။

ယင်းနောက် ဒုတိယညွှန်ကြားရေးမှူးချုပ်မှ သင်တန်းကျောင်းပင်မရုံး၊ သင်တန်းသား(အမျိုးသမီး)အိပ်ဆောင်၊ သင်တန်းသားအိပ်ဆောင်၊ စားရိပ်သာ၊ စားချက်ဆောင်နှင့် နည်းပြဧည့်ရိပ်သာအဆောက်အဦတို့အား လှည့်လည်ကြည့်ရှု စစ်ဆေးခဲ့ပြီး လိုအပ်သည်များ လမ်းညွှန်မှာကြားခဲ့ပါသည်။

 

၂၀၂၄ ခုနှစ်၊ မေလ စာပေဆွေးနွေးဟောပြောပွဲ ကျင်းပပြုလုပ်ခြင်း

အထူးစုံစမ်းစစ်ဆေးရေးဦးစီးဌာန၊ ၂၀၂၄ ခုနှစ်၊ မေလ စာပေဆွေးနွေးဟောပြောပွဲ ကျင်းပပြုလုပ်သည့်သတင်း

 

အထူးစုံစမ်းစစ်ဆေးရေးဦးစီးဌာနတွင် တာဝန်ထမ်းဆောင်လျက်ရှိသော ဝန်ထမ်းများ အသိဉာဏ်ဗဟုသုတများ တိုးပွားလာစေရေး၊ လူ့စွမ်းအားအရင်းအမြစ်များ ပိုမိုဖွံ့ဖြိုးတိုးတက်လာစေရေးတို့ ဖြစ်ပေါ်လာစေရန် ရည်ရွယ်ချက်များဖြင့် စာပေဆွေးနွေးဟောပြောပွဲများအား လစဉ်ကျင်းပပြုလုပ်လျက်ရှိရာ ၂၀၂၄ ခုနှစ်၊ မေလအတွက် စာပေဆွေးနွေးဟောပြောပွဲအား ၃၀-၅-၂၀၂၄ ရက်၊ ၁၄၃၀ အချိန်မှ ၁၅၃၀ အချိန်ထိ အထူးစုံစမ်းစစ်ဆေးရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ပါသည်။ စာပေဆွေးနွေးဟောပြောပွဲသို့ ဦးစီးဌာနချုပ်ရုံးရှိဌာနများမှ ဝန်ထမ်းများတက်ရောက်ခဲ့ကြပြီး သတင်းနှင့်နည်းပညာဌာနမှ ဝန်ထမ်းတစ်ဦးက “ကွန်ပျူတာဗိုင်းရပ်စ်အခြေခံနှင့် ကာကွယ်ရန်နည်းလမ်းများ” ခေါင်းစဉ်ဖြင့်လည်းကောင်း၊ မှုခင်းဌာနမှ ဝန်ထမ်းတစ်ဦးက “အပူလှိုင်းအန္တရာယ် ကြိုတင်ကာကွယ်ခြင်းနှင့် သိမှတ်ဖွယ်ရာများအကြောင်း သိကောင်းစရာ” ခေါင်းစဉ်ဖြင့်လည်းကောင်း၊ စစ်ဆေးရေးဌာနမှ ဝန်ထမ်းတစ်ဦးက “ပင်လယ်ရေကြောင်း ကုန်သွယ်မှုလုပ်ငန်းများအကြောင်း” ခေါင်းစဉ်ဖြင့်လည်းကောင်း အသီးသီးဆွေးနွေးဟောပြောခဲ့ကြပါသည်။

ကွန်ပျူတာဗိုင်းရပ်စ်အခြေခံနှင့် ကာကွယ်ရန်နည်းလမ်းများ ခေါင်းစဉ်ဖြင့် ဆွေးနွေးခြင်း

အပူလှိုင်းအန္တရာယ် ကြိုတင်ကာကွယ်ခြင်းနှင့် သိမှတ်ဖွယ်ရာများအကြောင်း သိကောင်းစရာ ခေါင်းစဉ်ဖြင့် ဆွေးနွေးခြင်း

ပင်လယ်ရေကြောင်း ကုန်သွယ်မှုလုပ်ငန်းများအကြောင်း ခေါင်းစဉ်ဖြင့် ဆွေးနွေးခြင်း

လက်ထောက်စုံစမ်းရေးမှူးနေရာ ဝင်ရောက်ဖြေဆိုမည့်သူများ ရေးဖြေ၊ လူတွေ့နှင့် ကြံ့ခိုင်စွမ်းရည် စစ်ဆေးမှုခံယူရန် ကြိုတင်လေ့လာရမည့်အချက်များ

အထူးစုံစမ်းစစ်ဆေးရေးဦးစီးဌာန

လက်ထောက်စုံစမ်းရေးမှူးနေရာ ဝင်ရောက်ဖြေဆိုမည့်သူများ

ရေးဖြေ၊ လူတွေ့နှင့် ကြံ့ခိုင်စွမ်းရည် စစ်ဆေးမှုခံယူရန်အတွက် ကြိုတင်လေ့လာထားရမည့်အချက်များ

 

သတင်းပို့ခြင်း ၂၄-၅-၂၀၂၄ ရက်နေ့ထက်မစော ၂၅-၅-၂၀၂၄ ရက်နေ့ထက် နောက်မကျစေဘဲ ရုံးအမှတ်(၄၉)၊ နေပြည်တော်တွင် လာရောက်သတင်းပို့ရပါမည်။
သတင်းပို့ရာတွင် ၁ လက်မခွဲ ၂ လက်မ (နောက်ခံအပြာ) ဓါတ်ပုံ(၃)ပုံနှင့်အတူ နိုင်ငံသားစိစစ်ရေးကတ်ပြား၊ အခြေခံပညာအထက်တန်းအောင်လက်မှတ်၊ ဘွဲ့လက်မှတ်တို့ ယူဆောင်လာရပါမည်။
ရေးဖြေ မြန်မာစာ၊ အင်္ဂလိပ်စာ၊ အထွေထွေဗဟုသုတ (ပြည်တွင်း/ပြည်ပ နိုင်ငံရေး၊ စီးပွားရေး) များဖြေဆိုရပါမည်။
လူတွေ့ မိမိဒေသဆိုင်ရာအချက်အလက်အလက်များ၊ အထွေထွေဗဟုသုတ (ပြည်တွင်း/ပြည်ပ နိုင်ငံရေး၊ စီးပွားရေးများ) ဖြေဆိုရပါမည်။
ကြံ့ခိုင်စွမ်းရည် အပြေး၊ ဒိုက်ထိုး၊ အိပ်ထမတင်ပြုလုပ်နိုင်သူများ အခြေပြုစစ်ဆေးပါမည်။
ဝတ်စားဆင်ယင်မှု ရေးဖြေ ဖြေဆိုရာနေ့တွင် အမျိုးသား (အင်္ကျီဖြူ၊ ပုဆိုး)၊ အမျိုးသမီး (သင့်တော်ရာ မြန်မာဝတ်စုံ)
လူတွေ့ဖြေဆိုရာတွင် အမျိုးသား (အင်္ကျီဖြူလည်ကတုံး၊ တိုက်ပုံပါ)၊ အမျိုးသမီး (သင့်တော်ရာမြန်မာဝတ်စုံ)
ကြံ့ခိုင်စွမ်းရည်ဖြေဆိုရာတွင် အမျိုးသား(တီရှပ်၊ ဘောင်းဘီတို)၊ အမျိုးသမီး (တီရှပ်၊ ဘောင်းဘီရှည်)

၂၀၂၄-၂၀၂၅ ဘဏ္ဍာရေးနှစ် စက်နှင့်စက်ပစ္စည်းဝယ်ယူမှုလုပ်ငန်းများအတွက် Profile အောင်မြင်သည့် ကုမ္ပဏီအမည်စာရင်း

၂၀၂၄-၂၀၂၅ ဘဏ္ဍာရေးနှစ် ငွေလုံးငွေရင်းခွင့်ပြုရန်ပုံငွေဖြင့်

တင်ဒါခေါ်ယူဆောင်ရွက်သည့် စက်နှင့်စက်ပစ္စည်းဝယ်ယူမှု လုပ်ငန်းများအတွက်

တင်ဒါအဆိုပြုလွှာ (Profile) အောင်မြင်သည့် ကုမ္ပဏီများအမည်စာရင်း

၂၀၂၄-၂၀၂၅ဘဏ္ဍာရေးနှစ် တည်ဆောက်ရေးလုပ်ငန်းအတွက် Profile အောင်မြင်သည့် ကုမ္ပဏီအမည်စာရင်း

၂၀၂၄-၂၀၂၅ဘဏ္ဍာရေးနှစ်၊ ငွေလုံးငွေရင်း(မူလ)ခွင့်ပြုရန်ပုံငွေဖြင့် ဆောင်ရွက်မည့်

ပြည်ထဲရေးဝန်ကြီးဌာန၊ အထူးစုံစမ်းစစ်ဆေးရေးဦးစီးဌာန၏

တည်ဆောက်ရေးလုပ်ငန်အုပ်စု(၁)စုအတွက် Profile အောင်မြင်သည့် ကုမ္ပဏီများအမည်စာရင်း

စုံစမ်းစစ်ဆေးမှုအတတ်ပညာသင်ကျောင်း၌ ဒုတိယစုံစမ်းရေးမှူးလုပ်ငန်းခွင်ဝင် သင်တန်းအမှတ်စဉ်(၅) သင်တန်းဖွင့်ပွဲအခမ်းအနားကျင်းပ

စုံစမ်းစစ်ဆေးမှုအတတ်ပညာသင်ကျောင်း၌ ဒုတိယစုံစမ်းရေးမှူးလုပ်ငန်းခွင်ဝင် သင်တန်းအမှတ်စဉ်(၅) သင်တန်းဖွင့်ပွဲအခမ်းအနားကျင်းပ

 

အထူးစုံစမ်းစစ်ဆေးရေးဦးစီးဌာန၊ စုံစမ်းစစ်ဆေးမှုအတတ်ပညာသင်ကျောင်း၌ ၂၉-၄-၂၀၂၄ ရက်နေ့ (၀၈၃၀)အချိန်တွင် အထူးစုံစမ်းစစ်ဆေးရေးဦးစီးဌာန၊ ဒုတိယစုံစမ်းရေးမှူးလုပ်ငန်းခွင်ဝင်သင်တန်း အမှတ်စဉ်(၅) သင်တန်းဖွင့်ပွဲအခမ်းအနားကျင်းပပြုလုပ်ခဲ့ရာ အခမ်းအနားသို့ အထူးစုံစမ်းစစ်ဆေးရေးဦးစီးဌာန၊ ညွှန်ကြားရေးမှူးချုပ်၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကျောင်းအုပ်ကြီး၊ ဒုတိယကျောင်းအုပ်ကြီးနှင့် ဖိတ်ကြားထားသော လက်ထောက်ညွှန်ကြားရေးမှူးများ၊ စုံစမ်းစစ်ဆေးမှုအတတ်ပညာသင်ကျောင်းမှ အမှုဆောင်ဝန်ထမ်းများနှင့် သင်တန်းသား(၅၆) ဦး စုစုပေါင်း (၇၀)ဦးခန့်တက်ရောက်ခဲ့ကြပါသည်။

အခမ်းအနားတွင် ညွှန်ကြားရေးမှူးချုပ်မှ သင်တန်းဖွင့်ပွဲ မိန့်ခွန်းပြောကြားကာ သင်တန်းအား ဖွင့်လှစ်ပေးခဲ့ပြီး သင်တန်းသားများနှင့်တွေ့ဆုံ၍ လမ်းညွှန်အမှာစကားပြောကြားခဲ့ပါသည်။ အဆိုပါ သင်တန်းအား ၂၉-၄-၂၀၂၄ ရက်နေ့မှ ၂၁-၆-၂၀၂၄ ရက်နေ့ထိ ရက်သတ္တပတ် (၈)ပတ်ကြာ ဖွင့်လှစ်သင်ကြားမည်ဖြစ်ပြီး ဦးစီးဌာနချုပ်ရှိ ဌာနများ၊ တိုင်း‌ဒေသကြီး/ပြည်နယ်ရုံးများမှ ဒုတိယစုံစမ်းရေးမှူး အမျိုးသား(၃၇)ဦးနှင့် အမျိုးသမီး(၁၉)ဦး တို့တက်ရောက်လျက်ရှိပါသည်။

ယင်းနောက် ညွှန်ကြားရေးမှူးချုပ်မှ သင်တန်းကျောင်း ပင်မရုံး၊ သင်တန်းသား(အမျိုးသမီး) အိပ်ဆောင်၊ သင်တန်းသားအိပ်ဆောင်၊ စားရိပ်သာ၊ စားချက်ဆောင်နှင့် နည်းပြဧည့်ရိပ်သာ အဆောက်အဦတို့အား လှည့်လည်ကြည့်ရှုစစ်ဆေးခဲ့ပြီး လိုအပ်သည်များ လမ်းညွှန်မှာကြားခဲ့ပါသည်။

ညွှန်ကြားရေးမှူးချုပ်မှ သင်တန်းဖွင့်ပွဲ မိန့်ခွန်းပြောကြားခြင်း

သာသနာတော်ဆိုင်ရာ ဘွဲ့တံဆိပ်ဆက်ကပ်ခြင်းနှင့် စတုဒီသာကျွေးမွေးလှူဒါန်းခြင်း

သာသနာတော်ဆိုင်ရာ ဘွဲ့တံဆိပ်ဆက်ကပ်ခြင်းနှင့် စတုဒီသာကျွေးမွေးလှူဒါန်းခြင်း

        အထူးစုံစမ်းစစ်ဆေးရေးဦးစီးဌာန၊ ကရင်ပြည်နယ်ရုံး စည်းရုံးရေးကော်မတီဥက္ကဋ္ဌ ညွှန်ကြားရေးမှူး ဦးခင်ဇော်၏ ကြီးကြပ်မှုဖြင့် ဒုတိယ ညွှန်ကြားရေးမှူး ဦးမျိုးသက်စိုး မှ ဦးဆောင်၍ ကရင်ပြည်နယ်အစိုးရအဖွဲ့က ကြီးမှူးကျင်းပသော သာသနာတော်ဆိုင်ရာ ဘွဲ့တံဆိပ် ဆက်ကပ်လှူဒါန်းပွဲတွင် ဘွဲ့ခံဆရာတော်/သီလရှင်(၁၅)ပါးတို့အား နဝကမ္မဝတ္ထုငွေကျပ် ၁၄၀,၀၀ဝိ/- ဆက်ကပ်လှူဒါန်းခြင်း၊ ဘားအံမြို့၊ ရွှေယဉ်မျှော်ပြည်တော်ဧ စေတီတော်ရင်ပြင်နှင့် ကမ်းနားလမ်း တစ်လျှောက်တွင် ရဟန်း၊ သာမဏေ၊ သီလရှင် စုစုပေါင်း(၂၃၈၃)ပါးတို့အား ငွေကျပ် ၅၇၃,၇၀ဝိ/-တန်ဖိုးရှိ ဆွမ်းဆန်စိမ်းလောင်းလှူခြင်း၊ ကုသိုလ်ပြုအဖြစ် ရွှေယဉ်မျှော်ဘုရား နိဗ္ဗာန်ဈေးတွင် ငွေကျပ် ၂၁၇၀၀ဝိ/-တန်ဖိုးရှိ ဆနွင်းမကင်း၊ ကောက်ညှင်းရွှေကြည်မုန့်ဘူးများ စတုဒီသာ ကျွေးမွေးလှူဒါန်းခြင်းဖြင့် စုစုပေါင်း တန်ဖိုးငွေ ၉၃၀၇၀ဝိ/- (ကျပ်ကိုးသိန်းသုံးသောင်းခုနှစ်ရာတိတိ) အား လှူဒါန်းခဲ့ပါသည်။

ပဲခူးတိုင်းဒေသကြီးရုံး ဝန်ထမ်းများအတွက် သက်သာချောင်ချိရေးထောက်ပံ့ပေးခြင်း

ပဲခူးတိုင်းဒေသကြီးရုံး ဝန်ထမ်းများအတွက် သက်သာချောင်ချိရေးထောက်ပံ့ပေးခြင်း

 

        အထူးစုံစမ်းစစ်ဆေးရေးဦးစီးဌာန၊ ပဲခူးတိုင်းဒေသကြီးရုံး၊ စည်းရုံးရေးကော်မတီနှင့် မိသားစုစည်းရုံးရေးနှင့်စည်းကမ်းထိန်းသိမ်းရေးကော်မတီ၏ စီစဉ်ကြီးကြပ်မှုဖြင့် ဝန်ထမ်းနှင့်မိသားစုဝင်များ သက်သာချောင်ချိစေရန် ရည်ရွယ်၍ ၂၀၂၄ ခုနှစ်၊ မတ်လအတွက် ဝန်ထမ်း(၁)ဦးလျှင် ကျသင့်ငွေ ၂၄,၆၀ဝိ/- တန်ဖိုးရှိ မြောင်းမြ ပေါ်ဆန်းမွှေးဆန်(၄)ပြည်နှင့် ဆီ(၅၀)ကျပ်သားတို့ကို ထောက်ပံ့ပေးအပ်ခဲ့ရာ ဝန်ထမ်း(၉၀)ဦးအတွက် စုစုပေါင်းတန်ဖိုးငွေ ၂,၂၁၄,၀၀ဝိ/- (ကျပ်နှစ်ဆယ်နှစ်သိန်း တစ်သောင်းလေးထောင်တိတိ) အား ထောက်ပံ့ပေးအပ်ခဲ့ပါသည်။