ထိုင်းနိုင်ငံ၊ TV 7 ရုပ်သံသတင်းဌာနမှ “ထိုင်းနိုင်ငံတွင် နေ့အပူချိန်များ တိုးမြင့်လာသောကြောင့် ထိုင်းနိုင်ငံရှိ ခရိုင်အချို့၌ ဆည်ရေလှောင်ကန်များအတွင်း ယခင်နှစ်များထက်များစွာ လျော့နည်း ခမ်းခြောက်လျက်ရှိပြီး စိုက်ပျိုးရေးနှင့်ရေသုံးစွဲမှု အခက်အခဲများကြုံတွေ့နေရသဖြင့် သက်ဆိုင်ရာမှ ဖြေရှင်းပေးရန် ထိုင်းပြည်သူများက တောင်းဆိုလျက်ရှိကြောင်း” ထုတ်လွှင့်သွားမှု

ထိုင်းနိုင်ငံ၊ TV 7 ရုပ်သံသတင်းဌာနမှ ၂၀၁၉ ခုနှစ်၊ မတ်လ (၂၉) ရက် ထိုင်းစံတော်ချိန် ၁၀ ၃၀ အချိန်တွင် “ထိုင်းနိုင်ငံတွင် သဘာဝဘေးဒဏ်တစ်ခုဖြစ်သည့် အပူလွန်ကဲခြင်းပြဿနာများ  စတင်ကြုံတွေ့နေရကြောင်း၊ နေ့စဉ်နေ့အပူချိန်များတိုးမြင့်လာသောကြောင့် ထိုင်းနိုင်ငံရှိ ခရိုင်အချို့၌ ဆည်ရေလှောင်ကန်များအတွင်း ယခင်နှစ်များထက်များစွာလျော့နည်း ခမ်းခြောက်လျက်ရှိပြီး ဆည်ရေကိုအသုံးပြု၍ စိုက်ပျိုးရေးလုပ်ငန်းများဆောင်ရွက်နေသည့်ပြည်သူလူထုအနေဖြင့် အခက်အခဲများတွေ့ကြုံနေရကြောင်း၊အလားတူ နေ့စဉ်အသုံးပြုရန်အတွက် ရေလုံလောက်မှုအခြေအနေမှာလည်း လျော့နည်းလာသည့်အတွက် အခက်အခဲများဖြစ်ပေါ်လာကြောင်း၊ ထိုင်းနိုင်ငံတောင်ပိုင်းဖငါန်းခရိုင်၌ သောက်သုံးရေရှားပါးလာခြင်းကြောင့် သက်ဆိုင်ရာတာဝန်ရှိသူများက ရေသယ်ယာဉ်များဖြင့် လိုက်လံဖြန့်ဝေပေးနေရကြောင်းနှင့် ထိုင်းနိုင်ငံအရှေ့မြောက်ပိုင်း၊ အလယ်ပိုင်းဒေသများတွင် သောက်သုံးရေ နှင့် စိုက်ပျိုးရေရှားပါးမှု ပြဿနာများကြုံတွေ့နေရသောကြောင့် သက်ဆိုင်ရာမှ ဖြေရှင်းပေးနိုင်ရန် ထိုင်းပြည်သူများက တောင်းဆိုလျက်ရှိကြောင်း” ဖြင့် ထုတ်လွှင့်သွားကြောင်း သိရှိရပါသည်။