အထူးစုံစမ်းစစ်ဆေးရေးဦးစီးဌာနတွင် လစ်လပ်လျက်ရှိသော

အငယ်တန်းစာရေး နှင့် စာရင်းကိုင်-၄ ရာထူး လစာနှုန်း (၁၈၀၀၀၀ – ၂၀၀၀ – ၁၉၀၀၀၀)

ရာထူး (၄၀)နေရာ အတွက် လျှောက်လွှာခေါ်ယူခြင်း

စာရင်းကိုင်-၄ ရာထူးလျှေက်လွှာခေါ်ယူခြင်း

ဌာနဇာနည်များ

တည်ဆောက်ပြုပြင်၊ ပြည်တစ်ခွင်

အစဉ်လှဆန်း၊ မွှေးကြိုင်လန်းပါစေ…….

ငြိမ်းချမ်းသာယာ၊ ဝင့်ထည်စွာ

ကမ္ဘာတွင်တည်၊ စည်းလုံးညီပါစေ…….

တရားပျက်ပြား၊ လောကသား

အမှားပယ်ပျောက်၊ အလင်းရောက်ပါစေ…….

ဖြူကြည်စိတ်ထား၊ ဇာနည်ဘွား

အသွားထက်သည်၊ စိန်ရောင်ပီပါစေ…….

နေခြည်လာစ၊ ကြည်ရွှန်းပ

ဌာနခွန်အား၊ စဉ်တိုးပွားနိုင်ပါစေ…….

ခိုင်မြဲစိတ်ထား၊ စုပေါင်းအား

တည်ထားကျောက်တိုင်၊ ဆောက်တည်နိုင်ပါစေ…….

ဦးတည်(၉)ရပ်၊ သစ္စာအပ်လျက်

(၃)ပါးပန်ဆင်၊ စွမ်းအားပြင်

ပြိုင်ယှဉ်ဆင်နွှဲ၊ အောင်နိုင်မြဲမို့

ထူးကဲသာလှ၊ မြန်ပြည်တစ်လွှား

ဌာနဇာနည်များ……။

အထူးစုံစမ်းစစ်ဆေးရေးဦးစီးဌာန (၇၁)နှစ်မြောက် နှစ်ပတ်လည်နေ့ အား ဂုဏ်ပြုပါသည်။

စောခိုင်ဦး

စီမံရေးရာဌာနစု-၁

(၇၁)နှစ်မြောက် အထူးစုံစမ်းစစ်ဆေးရေးဦးစီးဌာန နှစ်ပတ်လည်နေ့ ဂုဏ်ပြုဆောင်းပါး

ကိုင်းကျွန်းမှီ၊ ကျွန်းကိုင်းမှီ

အထူးစုံစမ်းစစ်ဆေးရေးဦးစီးဌာနကို ၁၉၅၁ ခုနှစ်၊ စက်တင်ဘာ လ (၁)ရက်နေ့တွင် စတင်ဖွဲ့စည်းခဲ့ပြီး နိုင်ငံတော်နှင့် အများပြည်သူ အကျိုးအတွက် ကိုယ်စွမ်း၊ ဉာဏ်စွမ်းရှိသမျှ ထမ်းဆောင်နေသည့် တရားဥပဒေ စိုးမိုးရေး အဖွဲ့အစည်း ဖြစ်ပါသည်။ ဦးစီး ဌာနကြီး ဖွဲ့စည်းပြီးနောက် ၁၉၅၁ ခုနှစ်၊ ဒီဇင်ဘာလ (၁၇)ရက်နေ့၌ ထိုစဉ်က နိုင်ငံတော်ဝန်ကြီးချုပ် ဦးနု၏ ရှေ့မှောက်တွင် “ပြည်ထောင်စု မြန်မာနိုင်ငံ၏ ဖွဲ့စည်းပုံ အခြေခံဥပဒေနှင့်တကွ တရားဥပဒေများကို ထိန်းသိမ်း စောင့်ရှောက်ပါမည်၊ နိုင်ငံတော်၏ အမှုတော်ကို လည်းကောင်း၊ တရားဥပဒေအရ အပ်နှင်းထားသော အာဏာနှင့် တာဝန်ဝတ္တရား များကိုလည်းကောင်း၊ ရိုးသားဖြောင့်မတ် တည်ကြည် မှန်ကန်စွာ မျက်နှာကြီးငယ် မရွယ်မထောက်၊ ဆန္ဒာ၊ ဒေါသ၊ ဘယာ၊ မောဟ၊ ဂတိများသို့မလိုက် ကိုယ်စွမ်းရှိသမျှ ဉာဏ်စွမ်းရှိသမျှ ကျေကုန်အောင် ထမ်းဆောင်ပါမည်” ဟု ဌာနဝင်အရာရှိများက ကျမ်းသစ္စာ ကျိန်ဆိုခဲ့ကြပါသည်။ ဆိုခဲ့သည့် ကျမ်းသစ္စာ အတိုင်းလည်း တိမ်းစောင်း တွန့်ဆုတ်မှုမရှိ ကျေကုန်အောင် ထမ်းဆောင်လျက် ရှိပါသည်။

ဌာနဝင်အရာရှိများအနေဖြင့် နိုင်ငံတော်၊ အများပြည်သူနှင့် ဌာနအပေါ် သစ္စာရှိစေရန် ရည်ရွယ်၍ ဦးစီးဌာန၏ ဆောင်ပုဒ်ကို “သစ္စံ၊ ဓမ္မော၊ ဓိတိ၊ စာဂေါ၊ ဇေယျော” ဟု သတ်မှတ်ခဲ့ပြီး ဌာနဝင်အရာရှိများ ဆောင်းသည့် ဦးထုပ်တံဆိပ်တွင် “ မင်းမှာသစ္စာ၊ လူမှာကတိ” စာတန်းကို ဖော်ပြထားပါသည်။ အထူးစုံစမ်း စစ်ဆေးရေးဦးစီးဌာန၏ စုံစမ်းစစ်ဆေးမှု လုပ်ငန်းများသည် အမှန်တရား ပေါ်ပေါက်ရေးကို အလေးထားကြောင်း ဖော်ညွှန်းသည့်အနေဖြင့် ဦးစီးဌာန၏ ဆောင်ပုဒ်ကို “စုံစမ်းခြင်းသည် အမှန်တရားကို ရှာဖွေခြင်းဖြစ်သည်” ဟု ပြောင်းလဲသတ်မှတ်ခဲ့ပြီး စုံစမ်းစစ်ဆေးရသည့် ဖြစ်စဉ်၊ ဖြစ်ရပ်နှင့် လူပုဂ္ဂိုလ်များမှာ အမှန်တစ်ကယ် ပြစ်မှုမြောက် ကြောင်း၊ ကျူးလွန်ကြောင်း၊ ပြဋ္ဌာန်းထားသည့် ဥပဒေတစ်ရပ်ရပ်ကို ဖောက်ဖျက်ကြောင်း ထင်ရှားပေါ်လွင်စေမည့် သက်သေ အထောက်အထား အပြည့်အစုံရရှိရေးအတွက် စုဆောင်း တင်ပြခြင်းသာဖြစ်ပါသည်။

အထူးစုံစမ်းစစ်ဆေးရေးဦးစီးဌာနသည် စီးပွားရေးဆိုင်ရာ ပြစ်မှုများ၊ ဝန်ထမ်းမသမာမှု များနှင့် ငွေကြေးခဝါချမှုများကို စုံစမ်းဖော်ထုတ်၍ ဥပဒေများနှင့်အညီ အရေးယူနိုင်ရေး ဆောင်ရွက်လျက်ရှိသည်ဖြစ်ရာ ဥပဒေကို ထိန်းသိမ်းကာကွယ် စောင့်ရှောက်သော အဖွဲ့အစည်း (Law Enforcement Agency) ဖြစ်စေရေးအတွက် လုပ်ပိုင်ခွင့်ပေးထားသည့် အထူးစုံစမ်း စစ်ဆေးမှု အုပ်ချုပ်ရေးအဖွဲ့နှင့် အထူးစုံစမ်း စစ်ဆေးရေးဌာန အက်ဥပဒေနှင့် တည်ဆဲဥပဒေ များ၏ဘောင်အတွင်းမှ ဆောင်ရွက်နေသည့် အဖွဲ့အစည်းလည်းဖြစ်ပါသည်။

စိစစ်ခြင်း၊ စုံစမ်းစစ်ဆေးခြင်း၊ ဥပဒေအကြံပေးခြင်း၊ တရားစွဲတင်ပို့ခြင်းနှင့် တရားရုံး အမှုလိုက်ပါဆောင်ရွက်ခြင်း၊ သတင်းထောက်လှမ်း စုဆောင်းတင်ပြခြင်း၊ နိုင်ငံတော် တည်ငြိမ်ရေး၊ အေးချမ်းသာယာရေးနှင့် တရားဥပဒေစိုးမိုးရေးတို့အတွက် လုံခြုံရေး ပူးပေါင်းဆောင်ရွက်ခြင်း စသည့်အဓိက လုပ်ငန်းတာဝန်များကို တိတိကျကျ မှန်မှန်ကန်ကန် ဆောင်ရွက်နေပြီး လိုအပ်ပါက မြန်မာနိုင်ငံစာရင်းစစ်ချုပ်ရုံး၊ မြန်မာနိုင်ငံတော်ဗဟိုဘဏ်၊ စီမံကိန်းနှင့်ဘဏ္ဍာရေးဝန်ကြီးဌာန တို့အပါအဝင် အခြားဌာနများနှင့်လည်း ပူးပေါင်းဆောင်ရွက်လျက်ရှိပါသည်။

အထူးစုံစမ်းစစ်ဆေးရေးဦးစီးဌာနက စုံစမ်းစစ်ဆေး ပေါ်ပေါက်ချက်များကို သက်ဆိုင်ရာ တရားရုံးများက အရေးယူနိုင်ရေး တရားစွဲတင်ပို့ရာတွင် ဌာနတွင်း ဥပဒေအကြံပြုချက် ရယူသကဲ့သို့ လိုအပ်ပါက ပြည်ထောင်စုရှေ့နေချုပ်ရုံး (ဥပဒေရေးရာ ဝန်ကြီးဌာန) မှလည်း ဥပဒေဆိုင်ရာ အကြံပြုချက်များရယူ၍ ဆောင်ရွက်လျက်ရှိပါသည်။ ဦးစီးဌာန၏ စုံစမ်းစစ်ဆေး ပေါ်ပေါက်ချက်၊ ဌာနတွင်း အကြံပြုချက်၊ ပြည်ထောင်စုရှေ့နေချုပ်ရုံး (ဥပဒေရေးရာဝန်ကြီးဌာန) ၏ ဥပဒေအကြံပြုချက်များကို ပေါင်းစပ်၍ ပြည်ထဲရေးဝန်ကြီးဌာနနှင့် ငွေကြေးခဝါချမှု တိုက်ဖျက်ရေး ဗဟိုအဖွဲ့သို့တင်ပြပြီး လုပ်ထုံးလုပ်နည်းနှင့်အညီ ဆက်လက်ဆောင်ရွက်လျက် ရှိပါသည်။

အထူးစုံစမ်းစစ်ဆေးရေးဦးစီးဌာနသည် ဘဏ္ဍာငွေရှာဖွေသည့် ဌာနမဟုတ်သော်လည်း  စုံစမ်းစစ်ဆေးရေး လုပ်ငန်းများမှ နိုင်ငံတော်ငြိမ်ဝပ်ပိပြားမှု တည်ဆောက်ရေး အဖွဲ့အစိုးရ လက်ထက်တွင် ၁၉၈၈ ခုနှစ်၊ စက်တင်ဘာလမှ ၁၉၉၇ ခုနှစ်၊ အောက်တိုဘာလအထိ မြန်မာ ကျပ်ငွေ သန်း ၂၅၀၀ ကျော် (၂.၅ ဘီလီယံ)၊ အမေရိကန်ဒေါ်လာ ၄၆၉ နှင့် စင်ကာပူဒေါ်လာ ၇၁၇၊ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ အစိုးရလက်ထက်တွင် ၁၉၉၇ ခုနှစ်၊ နိုဝင်ဘာလမှ ၂၀၁၁ ခုနှစ်၊ မတ်လအထိ မြန်မာငွေကျပ် ၃၀,၃၉၅,၈၂၅ သန်း (၃၀,၃၉၅.၈၂၅ ဘီလီယံ)၊ အမေရိကန်ဒေါ်လာ ၁၄,၀၉၀,၇၂၇ ဒေါ်လာ ၊ FEC ၁၄၀,၆၂၇ ယူနစ် ၊ ယူရို ၂၆,၃၆၂ ၊ ထိုင်းဘတ် ၆,၅၅၃,၀၇၀ ၊ တရုတ်ယွမ် ၁၀၇,၈၁၂ ၊ စင်ကာပူဒေါ်လာ ၅၇၉၂ ၊ နီပေါရူပီး ၆၈ ၊ ဆော်ဒီရီယရ်လ် ၅၆ ၊ ကိုရီးယားဝမ် ၁၉,၀၀၀ ၊ အင်ဒိုနီးရှား ရူပီး ၁၀,၁၀၀ ၊ ဂျပန်ယန်း ၁၉၃,၀၀၀ နှင့် နိုင်ငံခြားငွေအချို့၊ အရပ်သားအစိုးရများ လက်ထက်တွင် ၂၀၁၁ ခုနှစ်၊ ဧပြီလမှ ၂၀၁၆ ခုနှစ်၊ မတ်လအထိ မြန်မာကျပ်ငွေ ၂၁၅၉.၃၀၈ သန်း(၂.၁၅၉ ဘီလီယံ)၊ ၂၀၁၆ ခုနှစ်၊ ဧပြီလမှ ၂၀၂၁ ခုနှစ်၊ ဇန်နဝါရီလအထိ မြန်မာကျပ်ငွေ ၇၂၅၈.၄၉ သန်း (၇.၂၅၈ ဘီလီယံ)၊ အမေရိကန်ဒေါ်လာ ၆၄၀,၆၂၀ ၊ ယူရိုငွေ ၃၃,၀၀၀ ၊ ဂျပန်ယန်း ၅,၂၆၁,၀၀၀ (၅၂.၆ သန်း) ၊ မလေးရှားရင်းဂစ် ၂၈,၅၀၅ ၊ တရုတ်ယွမ် ၃၃,၁၉၃ ၊ အင်္ဂလန်နိုင်ငံသုံးငွေ ၆၁၀ စတာလင်ပေါင်၊ ထိုင်ဝမ်ဒေါ်လာ ၅၀,၇၀၀၊ ကိုရီးယားဝမ် ၁,၀၀၁,၀၀၀၊ ဟောင်ကောင်ဒေါ်လာ ၁၇,၁၀၀၊ ထိုင်းဘတ် ၃,၀၈၅,၁၆၃၊ ရူပီး ၂၉၀၀၊ စင်ကာပူဒေါ်လာ ၄၀၀ နှင့် နိုင်ငံတော်စီမံအုပ်ချုပ်ရေး ကောင်စီအစိုးရ လက်ထက်တွင် ၂၀၂၁ ခုနှစ်၊ ဖေဖော်ဝါရီလမှ ၂၀၂၂ ခုနှစ်၊ ဇူလိုင်လအထိ မြန်မာငွေကျပ် ၉၀၈၂.၅ သန်း(၉.၀၈၂ ဘီလီယံ)၊ အမေရိကန်ဒေါ်လာ ၃၂၄,၅၄၇ ၊ စင်ကာပူ ဒေါ်လာ ၃၀၄၂ ၊ ဟောင်ကောင်ဒေါ်လာ ၁၀၀၀ ၊ ထိုင်းဘတ် ၃၂၀ ၊ မလေးရှားရင်းဂစ် ၆၃ ၊ တရုတ်ယွမ် ၁၀၀ နှင့် လာအိုကစ်ပ် ၁၀၀၀ တို့ကို မှုခင်းများအပေါ် စုံစမ်းစစ်ဆေး ပေါ်ပေါက်ချက် အရ နိုင်ငံ့ဘဏ္ဍာအဖြစ် သိမ်းဆည်းနိုင်ခဲ့ပါသည်။

အထူးစုံစမ်းစစ်ဆေးရေးဦးစီးဌာနကြီး စတင်ဖွဲ့စည်းချိန်မှ ယနေ့အထိ ဌာနဝင်အရာရှိများ၏ စွမ်းစွမ်းတမံ ဆောင်ရွက်မှု၊ မဆုတ်မနစ်သော ဇွဲလုံ့လ၊ ဝီရိယတို့ဖြင့် ဆောင်ရွက်တတ်မှု၊ နိုင်ငံတော်နှင့် အများပြည်သူအကျိုးကို ရှေ့ရှု၍ သစ္စာရှိစွာ ကိုယ်ကျိုးစွန့်အနစ်နာခံ ဆောင်ရွက်မှု တို့ကြောင့် လူရိုသေရှင်ရိုသေ ဌာနကြီးအဖြစ် ရေရှည်ရပ်တည် နိုင်နေခြင်းဖြစ်ပါသည်။ ဌာနကြီး အဓွန့်ရှည်ရပ်တည်ပြီး အောင်မြင်မှုများ ဆက်လက်ရရှိရေးသည် မျိုးဆက်သစ် အရာရှိများ၏ သစ္စာရှိမှုနှင့် တစ်ဦးချင်းစီ၏ စွမ်းဆောင်ရည်ပေါ်၌သာ မူတည်ပေသည်။ ဌာနဝင်ဝန်ထမ်း တစ်ဦးချင်းစီ၏ စွမ်းဆောင်ရည် မြင့်မားလာပါက ဌာနကြီး၏ ပုံရိပ်လည်း တိုးတက်ကောင်းမွန် လာမည်ဖြစ်ပြီး ဌာနကြီး၏ ပုံရိပ်တိုးတက်လာပါက ဌာနဝင် ဝန်ထမ်းများအနေဖြင့် ဂုဏ်သိက္ခာ ရှိစွာ လုပ်ငန်းများ ဆောင်ရွက်နိုင်မည်ဖြစ်ရာ “ကိုင်းကျွန်းမှီ ကျွန်းကိုင်းမှီ” သဘောဖြစ်ပါသည်။ သို့ဖြစ်၍ ဌာနဝင်မျိုးဆက်သစ် ဝန်ထမ်းများအနေဖြင့် လုပ်ငန်းပိုင်းဆိုင်ရာ အရည်အသွေးများ မြင့်မားလာစေရေး၊ ခေတ်နှင့်အညီ ပြောင်းလဲလာသည့် နည်းပညာများကို ကျွမ်းကျင်ပိုင်နိုင် စေရေး၊ အတွေးအခေါ် အယူအဆများမှန်ကန်ပြီး အဂတိတရားကင်းစွာဖြင့် ဆောင်ရွက် တတ်ကြစေရေး အမြဲမပြတ် လေ့ကျင့်ကြိုးပမ်း နေကြရမည်ဖြစ်ပါသည်။

သန်းထွဋ်ဝင်း

၁-၉-၂၀၂၂

Omicron မျိုးကွဲ BA.1 ကူးစက်ပြီးသူများတွင် BA.2 ကူးစက်မှုထပ်မံဖြစ်ပေါ်နိုင်သည်ဟု ဒိန်းမတ် သုတေသနပညာရှင်များက ပြောကြား

လူတစ်ဦးတစ်ယောက် အနေဖြင့် ပထမအကြိမ် Omicron(BA.1) ကူးစက်ခံရပြီးနောက် ထပ်မံကူးစက် ခံရတော့မည်မဟုတ်ဟု ယူဆထား၍မရဘဲ ဒုတိယအကြိမ် ထပ်မံကူးစက်ခံရ နိုင်ဖွယ် ရှိသည်ဟု ဒိန်းမတ်နိုင်ငံ ကူးစက်ရောဂါ ကာကွယ်ရေးဌာန (Statens Serum Institut – SSI)မှ သုတေသန ပညာရှင်များက ပြောကြားခဲ့ကြောင်း၊ သို့သော် ယင်းနှစ်ကြိမ်ကူးစက်မှုမှာ ကြုံတောင့်ကြုံခဲ ရှားရှားပါးပါး ဖြစ်စဉ်မျှသာ ဖြစ်သည်ဟု သိရှိရပါသည်။

SSI မှ သုတေသနပညာရှင်များ၏ ယခုရက်ပိုင်းအတွင်း ထုတ်ပြန်သည့် ကြေညာချက်၌ BA.1 နှင့် BA.2 နှစ်မျိုးစလုံး ကူးစက်ခံရသည့်ဖြစ်စဉ်များကို လေ့လာရာ၌  ပထမအကြိမ် နှင့် ဒုတိယ အကြိမ်ကူးစက်မှုမှာ အနည်းဆုံးရက်ပေါင်း(၂၀) မှ အများဆုံး ရက်ပေါင်း(၆၀)ခန့် ခြား၍ ဖြစ်ပေါ်ခြင်း ဖြစ်ကြောင်း၊ ကူးစက်မှုနှစ်ကြိမ် ကြုံတွေ့ရသူများမှာ ပထမအကြိမ်တွင် BA.1 ကူးစက်ခံရပြီး ဒုတိယအကြိမ်တွင် BA.2 ကို ထပ်မံကူးစက် ခံရခြင်းဖြစ်ကြောင်း၊ ယင်းသို့ ကူးစက်ခံရသူအများစုမှာ လူငယ်များ နှင့် ကာကွယ်ဆေး မထိုးနှံထားသူများဖြစ်ကြကြောင်း၊ သို့သော် ရောဂါ ကူးစက်မှုနှစ်ကြိမ် ကြုံတွေ့ရသူများအနေဖြင့် ရောဂါကို ပြင်းထန်စွာခံစားရခြင်း၊ ဆေးရုံတက်ရောက် ကုသရခြင်းများ မရှိဘဲ အပျော့စားရောဂါဝေဒနာများသာ ဖြစ်ပေါ်ခံစားခဲ့ကြကြောင်း၊ အလားတူ ပထမအကြိမ် နှင့် ဒုတိယအကြိမ် ကူးစက်ခံရမှု၌ ရောဂါခံစားရမှု အတိုင်းအတာမှာလည်း အတူတူပင်ဖြစ်ကြောင်း၊  ထို့ပြင် BA.1 ဖြစ်ပွားပြီးသူများ၌ BA.1  ပင် ထပ်မံဖြစ်ပွား တတ်ကြောင်းကိုလည်း တွေ့ရှိခဲ့ရသည်ဟု သိရှိရပါသည်။

အလားတူ အင်္ဂလန်နိုင်ငံ ကျန်းမာရေး စောင့်ရှောက်မှုနှင့် ကူးစက်ရောဂါကာကွယ်ရေး အေဂျင်စီ၏ ယခုရက်ပိုင်းအတွင်း ထုတ်ပြန်ချက်အရ ကိုဗစ်-၁၉ ကူးစက်ရောဂါကာကွယ်ဆေး Pfizer ၏ အာနိသင်သည် BA.1 နှင့်  BA.2  နှစ်မျိုးစလုံးအပေါ်၌ အခြား ကိုဗစ်-၁၉ ရောဂါပိုး များနှင့် နှိုင်းယှဉ်ပါက ထိရောက်မှုအနည်းငယ် လျော့နည်းသည်ကို လေ့လာတွေ့ရှိခဲ့ကြောင်း၊ Booster shot ထိုးနှံပြီး ရက်သတ္တပတ်(၂)ပတ် အကြာတွင် Pfizer ၏ အာနိသင်သည် BA.1 အပေါ် ၌ ထိရောက်မှု ၆၉% နှင့် BA.2  အပေါ်၌ ထိရောက်မှု ၇၄% အသီးသီးရှိသည်ဟု သိရှိရပါသည်။

တစ်ကျော့ပြန်ရောဂါ ကူးစက်မှုနှင့်ပတ်သက်၍ ကမ္ဘာ့ကျန်းမာရေးအဖွဲ့(WHO)၏ ပြောကြားချက်အရ လူ့ကိုယ်ခန္ဓာအတွင်းသို့ ပထမဦးစွာ ရောဂါပိုးစတင် ဝင်ရောက်ကူးစက်ချိန်တွင် ခန္ဓာကိုယ်တွင်းရှိ အလိုအလျောက် ခုခံအားစနစ်က ဦးစွာ ကာကွယ်မှုများကို လုပ်ဆောင်ကြောင်း၊ ယင်းနောက်တွင်မှ B cell နှင့် T cell ဟုခေါ်သော သွေးဖြူဥများကို လှုံ့ဆော်ထွက်ပေါ်လာစေကာ ခုခံအားစနစ် (Immune System or Antibody)ကို ဖြစ်ပေါ်စေကြောင်း၊ သို့သော် အဆိုပါ Immune System သည် အချိန် အတိုင်းအတာ တစ်ခုအထိသာ ခန္ဓာကိုယ်အတွင်း ဖြစ်ပေါ်နေနိုင်ပြီး အချိန် ကာလ(၃)လမှ (၆)လခန့် ကြာမြင့်ပြီးနောက်တွင် ပြန်လည်မှေးမှိန် လျော့ကျသွားကြောင်း၊ ယင်းသို့ Immune System လျော့ကျ သွားသည့်အချိန်တွင် ရောဂါပိုးနှင့် ထိတွေ့မိပါက တစ်ကျော့ပြန် ရောဂါကူးစက်ခြင်းကို ကြုံတွေ့ခံစား ရနိုင်သည်ဟု သိရှိရပါသည်။

WHO စာရင်းအချက်အလက်များအရ BA.2 သည် ယခုအခါ ကမ္ဘာ့နိုင်ငံပေါင်း (၇၄)နိုင်ငံသို့ ပျံ့နှံ့ရောက်ရှိကြောင်း၊ ယခုရက်သတ္တပတ် အတွင်း ကမ္ဘာတစ်ဝန်း ကိုဗစ်-၁၉ ကူးစက်မှု အသစ်များ၏ ၃၅% မှာ BA.2  ကူးစက်မှုဖြစ်သည်ဟု သိရှိရကြောင်း www.fortune.com အင်တာနက် website တွင် ဖော်ပြပါရှိပါသည်။

ကမ္ဘာတစ်ဝန်း Omicron ကူးစက်မှုဆက်လက်မြင့်တက်နေသည့်သတင်းကြောင့် ကမ္ဘာ့ရွှေဈေးနှုန်း မှာတစ်အောင်စလျှင်

အမေရိကန်ဒေါ်လာ(၁,၈၂၀)အထက်သို့ရောက်ရှိခဲ့မှု

ကမ္ဘာတစ်ဝန်း၌  ကိုဗစ်-၁၉ ကူးစက်ရောဂါမျိုးကွဲသစ် Omicron ပျံ့နှံ့မှုကြောင့် ကိုဗစ်-၁၉ ကူးစက်ခံရသူ အရေအတွက်မှာ မြင့်တက်လျက်ရှိကြောင်း၊ ရိုက်တာသတင်းဌာန၏ စာရင်းအချက် အလက်များအရ ခရစ္စမတ်နှင့်နှစ်သစ်ကူးပွဲတော်အားလပ်ရက်များဖြစ်သည့် ၂၀၂၁ ခုနှစ်၊ ဒီဇင်ဘာလ (၂၄)ရက်မှဒီဇင်ဘာလ(၃၁)ရက်အထိကာလအတွင်းကမ္ဘာတစ်ဝန်း၌နေ့စဉ်ကိုဗစ်-၁၉ ကူးစက်ခံရသူ လူနာသစ် အရေအတွက်မှာ ပျှမ်းမျှအားဖြင့် လူဦးရေ(၁)သန်းခန့် ပုံမှန်ဖြစ်ပေါ်နေသည်ဟု သိရှိ ရကြောင်း၊ အထူးသဖြင့် အမေရိကန်ပြည်ထောင်စုနှင့် ဥရောပတိုက်တို့တွင် Omicron ပျံ့နှံ့မှုမှာ များပြားလျက်ရှိပြီး အမေရိကန်သမ္မတ၏ ထိပ်တန်းကျန်းမာရေးအကြံပေးပုဂ္ဂိုလ် အန်တိုနီယိုဖာစီက အမေရိကန်ပြည်ထောင်စုတွင် Omicron ပျံ့နှံ့မှုမှာ ၂၀၂၂ ခုနှစ်၊ ဇန်နဝါရီလကုန်ပိုင်း၌ အမြင့်ဆုံး အနေအထားသို့ ရောက်ရှိလာလိမ့်မည်ဟု ယခုရက်ပိုင်းအတွင်း သတိပေးခဲ့ကြောင်း၊ ခရစ္စမတ်နှင့် နှစ်သစ် ကူးပွဲတော်အကြိုကာလဖြစ်သည့် ဒီဇင်ဘာလ(၁၅)ရက်မှ ဒီဇင်ဘာလ(၂၉)ရက်အထိ ကာလ အတွင်း၌ အမေရိကန်ပြည်ထောင်စုတွင် နေ့စဉ်ကိုဗစ်-၁၉ ကူးစက်ခံရသူလူနာသစ်ဦးရေမှာ(၅,၀၀၀) ဝန်းကျင်ခန့်ရှိခဲ့သော်လည်း ခရစ္စမတ်ပွဲတော်အပြီး ဒီဇင်ဘာလ(၃၀)ရက်နေ့၌မူ တစ်ရက်အတွင်း လူနာသစ်ဦးရေမှာ(၄၈၆,၀၀၀)ဦးအထိရောက်ရှိသွားခဲ့ကြောင်း၊ အမေရိကန်ပြည်ထောင်စုရှိပြည်နယ် စုစုပေါင်း(၅၀)ခုတွင် ဖလော်ရီဒါ၊ဂျော်ဂျီယာ၊ဟာဝိုင်အီ၊နယူးယောက်၊ဝါရှင်တန်ဒီစီ၊မက်ဆာချူးဆက်၊ ပင်ဆယ်ဗေးနီးယားအပါအဝင်ပြည်နယ်(၁၅)ခုတို့၌ ကိုဗစ်-၁၉ပျံ့နှံ့မှုမြင့်တက်လျက်ရှိပြီးအမေရိကန် ပြည်ထောင်စုတွင် ဒီဇင်ဘာလ (၂၄)ရက်မှ ဒီဇင်ဘာလ(၃၁)ရက်အထိကာလအတွင်း ခရီးသည်တင် လေကြောင်းခရီးစဉ်(၁၃,၇၀၀)ကျော်ဖျက်သိမ်းခဲ့ရကြောင်း၊အမေရိကန်ပြည်ထောင်စုတွင် ကိုဗစ်-၁၉ ကူးစက်ခံရသူများအနက် ၇၃% မှာ Omicron ကူးစက်ခံထားရသူများ ဖြစ်ကြောင်း သိရှိရပါသည်။

အမေရိကန်ဗဟိုဘဏ်သည်ငွေကြေးဖောင်းပွမှုပြဿနာကိုဖြေရှင်းနိုင်ရန်အတွက် ၂၀၂၂ ခုနှစ် အတွင်း၌ ဘဏ်တိုးနှုန်းကို(၃)ကြိမ်တိုးမြှင့်ရန်စီစဉ်ထားသော်လည်း ယခုအခါ ကိုဗစ်-၁၉ ကူးစက် ရောဂါပြန်လည်ပျံ့နှံ့လာမှုကြောင့်ဘဏ်တိုးနှုန်းတိုးမြှင့်မည့်အစီအစဉ်ကိုရွှေ့ဆိုင်းရမည့်အနေအထား ဖြစ်ပေါ်နေကြောင်း၊ ထို့ကြောင့် အမေရိကန်ဗဟိုဘဏ်၏ ဘဏ်တိုးနှုန်း တိုးမြှင့်ခြင်းအပါအဝင် ငွေကြေးမူဝါဒတင်းကျပ်မည့် အစီအစဉ်များ ရွှေ့ဆိုင်းဖွယ်ရှိသည်ဟူသော ခန့်မှန်းချက်များကြောင့် ဈေးကွက်အတွင်း ရွှေကိုဝယ်ယူစုဆောင်းမှုများပြားလာကာ ကမ္ဘာ့ရွှေဈေးနှုန်းမှာ မြင့်တက်လာ ခဲ့ကြောင်း သိရှိရပါသည်။

၂၀၂၂ ခုနှစ်၊ ဇန်နဝါရီလ(၁)ရက်နေ့တွင် ကမ္ဘာ့ရွှေဈေးနှုန်းမှာ ၀.၄% မြင့်တက်ပြီး တစ်အောင် စလျှင် အမေရိကန်ဒေါ်လာ(၁၈၂၉.၁၁)ဖြင့်ဈေးပိတ်ခဲ့ကြောင်း၊ အဆိုပါဈေးနှုန်းသည် နိုဝင်ဘာလ (၂၂)ရက်နေ့နောက်ပိုင်းတစ်လကျော်ကာလအတွင်းအမြင့်ဆုံးဈေးနှုန်းဖြစ်ကြောင်း www.cnbc.com အင်တာနက် website တွင် ဖော်ပြပါရှိပါသည်။