၂၀၂၂-၂၀၂၃ ဘဏ္ဍာရေးနှစ် ပြည်ထဲရေးဝန်ကြီးဌာန၊ အထူးစုံစမ်းစစ်ဆေးရေးဦးစီးဌာန၊ မကွေးတိုင်းဒေသကြီးရုံးမှ တည်ဆောက်ရေးလုပ်ငန်းအတွက် အိတ်ဖွင့်တင်ဒါခေါ်ယူခြင်း

၂၀၂၂-၂၀၂၃ ဘဏ္ဍာရေးနှစ် ပြည်ထဲရေးဝန်ကြီးဌာန၊ အထူးစုံစမ်းစစ်ဆေးရေးဦးစီးဌာန၊ မကွေးတိုင်းဒေသကြီးရုံးမှ
တည်ဆောက်ရေးလုပ်ငန်းအတွက် အိတ်ဖွင့်တင်ဒါခေါ်ယူခြင်း

CONTINUE

အထူးစုံစမ်းစစ်ဆေးရေးဦးစီးဌာန၊ ရန်ကုန်တိုင်းဒေသကြီးရုံး ၂၀၂၂-၂၀၂၃ ဘဏ္ဍာနှစ် စက်ကိရိယာ အိတ်ဖွင့်တင်ဒါခေါ်ယူခြင်း

အထူးစုံစမ်းစစ်ဆေးရေးဦးစီးဌာန၊ ရန်ကုန်တိုင်းဒေသကြီးရုံး ၂၀၂၂-၂၀၂၃ ဘဏ္ဍာနှစ် စက်ကိရိယာ အိတ်ဖွင့်တင်ဒါခေါ်ယူခြင်း

Omicron မျိုးကွဲ BA.1 ကူးစက်ပြီးသူများတွင် BA.2 ကူးစက်မှုထပ်မံဖြစ်ပေါ်နိုင်သည်ဟု ဒိန်းမတ် သုတေသနပညာရှင်များကပြောကြား

Omicron မျိုးကွဲ BA.1 ကူးစက်ပြီးသူများတွင် BA.2 ကူးစက်မှုထပ်မံဖြစ်ပေါ်နိုင်သည်ဟု ဒိန်းမတ် သုတေသနပညာရှင်များက ပြောကြား

 

လူတစ်ဦးတစ်ယောက် အနေဖြင့် ပထမအကြိမ် Omicron(BA.1) ကူးစက်ခံရပြီးနောက် ထပ်မံကူးစက် ခံရတော့မည်မဟုတ်ဟု ယူဆထား၍မရဘဲ ဒုတိယအကြိမ် ထပ်မံကူးစက်ခံရ နိုင်ဖွယ် ရှိသည်ဟု ဒိန်းမတ်နိုင်ငံ ကူးစက်ရောဂါ ကာကွယ်ရေးဌာန (Statens Serum Institut – SSI)မှ သုတေသန ပညာရှင်များက ပြောကြားခဲ့ကြောင်း၊ သို့သော် ယင်းနှစ်ကြိမ်ကူးစက်မှုမှာ ကြုံတောင့်ကြုံခဲ ရှားရှားပါးပါး ဖြစ်စဉ်မျှသာ ဖြစ်သည်ဟု သိရှိရပါသည်။

SSI မှ သုတေသနပညာရှင်များ၏ ယခုရက်ပိုင်းအတွင်း ထုတ်ပြန်သည့် ကြေညာချက်၌ BA.1 နှင့် BA.2 နှစ်မျိုးစလုံး ကူးစက်ခံရသည့်ဖြစ်စဉ်များကို လေ့လာရာ၌  ပထမအကြိမ် နှင့် ဒုတိယ အကြိမ်ကူးစက်မှုမှာ အနည်းဆုံးရက်ပေါင်း(၂၀) မှ အများဆုံး ရက်ပေါင်း(၆၀)ခန့် ခြား၍ ဖြစ်ပေါ်ခြင်း ဖြစ်ကြောင်း၊ ကူးစက်မှုနှစ်ကြိမ် ကြုံတွေ့ရသူများမှာ ပထမအကြိမ်တွင် BA.1 ကူးစက်ခံရပြီး ဒုတိယအကြိမ်တွင် BA.2 ကို ထပ်မံကူးစက် ခံရခြင်းဖြစ်ကြောင်း၊ ယင်းသို့ ကူးစက်ခံရသူအများစုမှာ လူငယ်များ နှင့် ကာကွယ်ဆေး မထိုးနှံထားသူများဖြစ်ကြကြောင်း၊ သို့သော် ရောဂါ ကူးစက်မှုနှစ်ကြိမ် ကြုံတွေ့ရသူများအနေဖြင့် ရောဂါကို ပြင်းထန်စွာခံစားရခြင်း၊ ဆေးရုံတက်ရောက် ကုသရခြင်းများ မရှိဘဲ အပျော့စားရောဂါဝေဒနာများသာ ဖြစ်ပေါ်ခံစားခဲ့ကြကြောင်း၊ အလားတူ ပထမအကြိမ် နှင့် ဒုတိယအကြိမ် ကူးစက်ခံရမှု၌ ရောဂါခံစားရမှု အတိုင်းအတာမှာလည်း အတူတူပင်ဖြစ်ကြောင်း၊  ထို့ပြင် BA.1 ဖြစ်ပွားပြီးသူများ၌ BA.1  ပင် ထပ်မံဖြစ်ပွား တတ်ကြောင်းကိုလည်း တွေ့ရှိခဲ့ရသည်ဟု သိရှိရပါသည်။

အလားတူ အင်္ဂလန်နိုင်ငံ ကျန်းမာရေး စောင့်ရှောက်မှုနှင့် ကူးစက်ရောဂါကာကွယ်ရေး အေဂျင်စီ၏ ယခုရက်ပိုင်းအတွင်း ထုတ်ပြန်ချက်အရ ကိုဗစ်-၁၉ ကူးစက်ရောဂါကာကွယ်ဆေး Pfizer ၏ အာနိသင်သည် BA.1 နှင့်  BA.2  နှစ်မျိုးစလုံးအပေါ်၌ အခြား ကိုဗစ်-၁၉ ရောဂါပိုး များနှင့် နှိုင်းယှဉ်ပါက ထိရောက်မှုအနည်းငယ် လျော့နည်းသည်ကို လေ့လာတွေ့ရှိခဲ့ကြောင်း၊ Booster shot ထိုးနှံပြီး ရက်သတ္တပတ်(၂)ပတ် အကြာတွင် Pfizer ၏ အာနိသင်သည် BA.1 အပေါ် ၌ ထိရောက်မှု ၆၉% နှင့် BA.2  အပေါ်၌ ထိရောက်မှု ၇၄% အသီးသီးရှိသည်ဟု သိရှိရပါသည်။

တစ်ကျော့ပြန်ရောဂါ ကူးစက်မှုနှင့်ပတ်သက်၍ ကမ္ဘာ့ကျန်းမာရေးအဖွဲ့(WHO)၏ ပြောကြားချက်အရ လူ့ကိုယ်ခန္ဓာအတွင်းသို့ ပထမဦးစွာ ရောဂါပိုးစတင် ဝင်ရောက်ကူးစက်ချိန်တွင် ခန္ဓာကိုယ်တွင်းရှိ အလိုအလျောက် ခုခံအားစနစ်က ဦးစွာ ကာကွယ်မှုများကို လုပ်ဆောင်ကြောင်း၊ ယင်းနောက်တွင်မှ B cell နှင့် T cell ဟုခေါ်သော သွေးဖြူဥများကို လှုံ့ဆော်ထွက်ပေါ်လာစေကာ ခုခံအားစနစ် (Immune System or Antibody)ကို ဖြစ်ပေါ်စေကြောင်း၊ သို့သော် အဆိုပါ Immune System သည် အချိန် အတိုင်းအတာ တစ်ခုအထိသာ ခန္ဓာကိုယ်အတွင်း ဖြစ်ပေါ်နေနိုင်ပြီး အချိန် ကာလ(၃)လမှ (၆)လခန့် ကြာမြင့်ပြီးနောက်တွင် ပြန်လည်မှေးမှိန် လျော့ကျသွားကြောင်း၊ ယင်းသို့ Immune System လျော့ကျ သွားသည့်အချိန်တွင် ရောဂါပိုးနှင့် ထိတွေ့မိပါက တစ်ကျော့ပြန် ရောဂါကူးစက်ခြင်းကို ကြုံတွေ့ခံစား ရနိုင်သည်ဟု သိရှိရပါသည်။

WHO စာရင်းအချက်အလက်များအရ BA.2 သည် ယခုအခါ ကမ္ဘာ့နိုင်ငံပေါင်း (၇၄)နိုင်ငံသို့ ပျံ့နှံ့ရောက်ရှိကြောင်း၊ ယခုရက်သတ္တပတ် အတွင်း ကမ္ဘာတစ်ဝန်း ကိုဗစ်-၁၉ ကူးစက်မှု အသစ်များ၏ ၃၅% မှာ BA.2  ကူးစက်မှုဖြစ်သည်ဟု သိရှိရကြောင်း www.fortune.com အင်တာနက် website တွင် ဖော်ပြပါရှိပါသည်။

ကမ္ဘာလုံးဆိုင်ရာ ငွေပေးချေမှုစနစ် (SWIFT) မှ ဖယ်ထုတ်ခံရသော ရုရှားဘဏ်များအနေဖြင့် ဒီဂျစ်တယ်ယွမ်ကို ပြောင်းလဲအသုံးပြုဖွယ် ရှိသည့်အတွက် ဒီဂျစ်တယ်ယွမ် နှင့်ဆက်စပ်သည့် တရုတ်နည်းပညာ ကုမ္ပဏီကြီးများ၏ အစုရှယ်ယာများ တန်ဖိုးများမြင့်တက်

ကမ္ဘာလုံးဆိုင်ရာ ငွေပေးချေမှုစနစ် (SWIFT) မှ ဖယ်ထုတ်ခံရသော ရုရှားဘဏ်များအနေဖြင့် ဒီဂျစ်တယ်ယွမ်ကို ပြောင်းလဲအသုံးပြုဖွယ် ရှိသည့်အတွက် ဒီဂျစ်တယ်ယွမ် နှင့်ဆက်စပ်သည့် တရုတ်နည်းပညာ ကုမ္ပဏီကြီးများ၏ အစုရှယ်ယာများ တန်ဖိုးများမြင့်တက်

ကမ္ဘာလုံးဆိုင်ရာ ငွေပေးချေမှုစနစ်မှ ဖယ်ထုတ်ခံရသော ရုရှားဘဏ်များအနေဖြင့် ငွေပေးချေမှု ကိစ္စများတွင် တရုတ်ယွမ်ငွေကို အဓိကအခြေခံထားသည့် ငွေပေးချေမှုစနစ် (Cross Border Payment System နှင့် ဒီဂျစ်တယ်ယွမ်တို့ကို ပြောင်းလဲအသုံးပြုဖွယ် ရှိသည့်အတွက် ဒီဂျစ်တယ် ငွေပေးချေမှုစနစ်ကို နည်းပညာပိုင်းဆိုင်ရာ အကောင်အထည် ဖော်ဆောင်နေသည့် တရုတ်နည်း ပညာကုမ္ပဏီကြီးများ၏ အစုရှယ်ယာများကို ရင်းနှီးမြှုပ်နှံသူများက အများအပြား ဝယ်ယူစုဆောင်း နေခြင်းကြောင့် အဆိုပါကုမ္ပဏီကြီးများ၏ အစုရှယ်ယာများ တန်ဖိုးမှာ မြင့်တက်လာခဲ့ကြောင်း၊ အဆိုပါကုမ္ပဏီကြီး(၃)ခုတွင် ပါဝင်သည့် Newland Digital Technology ကုမ္ပဏီ၏ ရှယ်ယာ တန်ဖိုးမှာ (၂%) မြင့်တက်ပြီး ရှယ်ယာတစ်စုလျှင် တရုတ်ယွမ်ငွေ(၁၇.၄၅) ယွမ်သို့လည်းကောင်း၊ Lakala Payment ကုမ္ပဏီ၏ ရှယ်ယာတန်ဖိုးမှာ (၅%) မြင့်တက်ပြီး ရှယ်ယာတစ်စုလျှင် တရုတ် ယွမ်ငွေ (၂၆.၈၂) ယွမ်သို့လည်းကောင်း၊ Client Service International Inc ကုမ္ပဏီ၏ ရှယ်ယာ တန်ဖိုးမှာ (၆%) မြင့်တက်ပြီး ရှယ်ယာတစ်စုလျှင် တရုတ်ယွမ်ငွေ (၂၅.၂၄) ယွမ်သို့လည်းကောင်း အသီးသီးရောက်ရှိခဲ့ကြောင်း သိရှိရပါသည်။

တရုတ်နိုင်ငံသည် ကမ္ဘာ့ငွေကြေး ဈေးကွက်အတွင်း အမေရိကန်ဒေါ်လာ၏ လွမ်းမိုးချုပ်ကိုင် နေမှုကို တွန်းလှန်းနိုင်ရန်အတွက် ဒီဂျစ်တယ်ယွမ်ငွေကြေးကို ဖန်တီးသုံးစွဲခဲ့ခြင်းဖြစ်ကြောင်း၊ ယခင်အခြေအနေများအရ ဒီဂျစ်တယ်ယွမ်ကို ကမ္ဘာ့နိုင်ငံများက တွင်ကျယ်စွာ သုံးစွဲလာရေးမှာ အနည်းဆုံး (၁၀)စုနှစ်တစ်ခုအထိ ကြာမြင့်နိုင်သော်လည်း ယခုအခါ ရုရှားနိုင်ငံနှင့် အနောက်နိုင်ငံများ အကြား ဖြစ်ပွားသော အပြန်အလှန် ပိတ်ဆို့မှုများကြောင့် ဒီဂျစ်တယ်ယွမ်၏ အခန်းကဏ္ဍမှာ ကမ္ဘာတစ်ဝန်း ငွေပေးချေမှုကိစ္စများတွင် အမြန်ဆုံးတွင်ကျယ်လာဖွယ် ရှိကြောင်း www.channelnewsasia.com  အင်တာနက် website တွင်ဖော်ပြပါရှိပါသည်။

ကမ္ဘာတစ်ဝန်း Omicron ကူးစက်မှုဆက်လက်မြင့်တက်နေသည့်သတင်းကြောင့် ကမ္ဘာ့ရွှေဈေးနှုန်း မှာတစ်အောင်စလျှင် အမေရိကန်ဒေါ်လာ(၁,၈၂၀)အထက်သို့ရောက်ရှိခဲ့မှု

ကမ္ဘာတစ်ဝန်း Omicron ကူးစက်မှုဆက်လက်မြင့်တက်နေသည့်သတင်းကြောင့် ကမ္ဘာ့ရွှေဈေးနှုန်း မှာတစ်အောင်စလျှင်
အမေရိကန်ဒေါ်လာ(၁,၈၂၀)အထက်သို့ရောက်ရှိခဲ့မှု

ကမ္ဘာတစ်ဝန်း၌  ကိုဗစ်-၁၉ ကူးစက်ရောဂါမျိုးကွဲသစ် Omicron ပျံ့နှံ့မှုကြောင့် ကိုဗစ်-၁၉ ကူးစက်ခံရသူ အရေအတွက်မှာ မြင့်တက်လျက်ရှိကြောင်း၊ ရိုက်တာသတင်းဌာန၏ စာရင်းအချက် အလက်များအရ ခရစ္စမတ်နှင့်နှစ်သစ်ကူးပွဲတော်အားလပ်ရက်များဖြစ်သည့် ၂၀၂၁ ခုနှစ်၊ ဒီဇင်ဘာလ (၂၄)ရက်မှဒီဇင်ဘာလ(၃၁)ရက်အထိကာလအတွင်းကမ္ဘာတစ်ဝန်း၌နေ့စဉ်ကိုဗစ်-၁၉ ကူးစက်ခံရသူ လူနာသစ် အရေအတွက်မှာ ပျှမ်းမျှအားဖြင့် လူဦးရေ(၁)သန်းခန့် ပုံမှန်ဖြစ်ပေါ်နေသည်ဟု သိရှိ ရကြောင်း၊ အထူးသဖြင့် အမေရိကန်ပြည်ထောင်စုနှင့် ဥရောပတိုက်တို့တွင် Omicron ပျံ့နှံ့မှုမှာ များပြားလျက်ရှိပြီး အမေရိကန်သမ္မတ၏ ထိပ်တန်းကျန်းမာရေးအကြံပေးပုဂ္ဂိုလ် အန်တိုနီယိုဖာစီက အမေရိကန်ပြည်ထောင်စုတွင် Omicron ပျံ့နှံ့မှုမှာ ၂၀၂၂ ခုနှစ်၊ ဇန်နဝါရီလကုန်ပိုင်း၌ အမြင့်ဆုံး အနေအထားသို့ ရောက်ရှိလာလိမ့်မည်ဟု ယခုရက်ပိုင်းအတွင်း သတိပေးခဲ့ကြောင်း၊ ခရစ္စမတ်နှင့် နှစ်သစ် ကူးပွဲတော်အကြိုကာလဖြစ်သည့် ဒီဇင်ဘာလ(၁၅)ရက်မှ ဒီဇင်ဘာလ(၂၉)ရက်အထိ ကာလ အတွင်း၌ အမေရိကန်ပြည်ထောင်စုတွင် နေ့စဉ်ကိုဗစ်-၁၉ ကူးစက်ခံရသူလူနာသစ်ဦးရေမှာ(၅,၀၀၀) ဝန်းကျင်ခန့်ရှိခဲ့သော်လည်း ခရစ္စမတ်ပွဲတော်အပြီး ဒီဇင်ဘာလ(၃၀)ရက်နေ့၌မူ တစ်ရက်အတွင်း လူနာသစ်ဦးရေမှာ(၄၈၆,၀၀၀)ဦးအထိရောက်ရှိသွားခဲ့ကြောင်း၊ အမေရိကန်ပြည်ထောင်စုရှိပြည်နယ် စုစုပေါင်း(၅၀)ခုတွင် ဖလော်ရီဒါ၊ဂျော်ဂျီယာ၊ဟာဝိုင်အီ၊နယူးယောက်၊ဝါရှင်တန်ဒီစီ၊မက်ဆာချူးဆက်၊ ပင်ဆယ်ဗေးနီးယားအပါအဝင်ပြည်နယ်(၁၅)ခုတို့၌ ကိုဗစ်-၁၉ပျံ့နှံ့မှုမြင့်တက်လျက်ရှိပြီးအမေရိကန် ပြည်ထောင်စုတွင် ဒီဇင်ဘာလ (၂၄)ရက်မှ ဒီဇင်ဘာလ(၃၁)ရက်အထိကာလအတွင်း ခရီးသည်တင် လေကြောင်းခရီးစဉ်(၁၃,၇၀၀)ကျော်ဖျက်သိမ်းခဲ့ရကြောင်း၊အမေရိကန်ပြည်ထောင်စုတွင် ကိုဗစ်-၁၉ ကူးစက်ခံရသူများအနက် ၇၃% မှာ Omicron ကူးစက်ခံထားရသူများ ဖြစ်ကြောင်း သိရှိရပါသည်။

အမေရိကန်ဗဟိုဘဏ်သည်ငွေကြေးဖောင်းပွမှုပြဿနာကိုဖြေရှင်းနိုင်ရန်အတွက် ၂၀၂၂ ခုနှစ် အတွင်း၌ ဘဏ်တိုးနှုန်းကို(၃)ကြိမ်တိုးမြှင့်ရန်စီစဉ်ထားသော်လည်း ယခုအခါ ကိုဗစ်-၁၉ ကူးစက် ရောဂါပြန်လည်ပျံ့နှံ့လာမှုကြောင့်ဘဏ်တိုးနှုန်းတိုးမြှင့်မည့်အစီအစဉ်ကိုရွှေ့ဆိုင်းရမည့်အနေအထား ဖြစ်ပေါ်နေကြောင်း၊ ထို့ကြောင့် အမေရိကန်ဗဟိုဘဏ်၏ ဘဏ်တိုးနှုန်း တိုးမြှင့်ခြင်းအပါအဝင် ငွေကြေးမူဝါဒတင်းကျပ်မည့် အစီအစဉ်များ ရွှေ့ဆိုင်းဖွယ်ရှိသည်ဟူသော ခန့်မှန်းချက်များကြောင့် ဈေးကွက်အတွင်း ရွှေကိုဝယ်ယူစုဆောင်းမှုများပြားလာကာ ကမ္ဘာ့ရွှေဈေးနှုန်းမှာ မြင့်တက်လာ ခဲ့ကြောင်း သိရှိရပါသည်။

၂၀၂၂ ခုနှစ်၊ ဇန်နဝါရီလ(၁)ရက်နေ့တွင် ကမ္ဘာ့ရွှေဈေးနှုန်းမှာ ၀.၄% မြင့်တက်ပြီး တစ်အောင် စလျှင် အမေရိကန်ဒေါ်လာ(၁၈၂၉.၁၁)ဖြင့်ဈေးပိတ်ခဲ့ကြောင်း၊ အဆိုပါဈေးနှုန်းသည် နိုဝင်ဘာလ (၂၂)ရက်နေ့နောက်ပိုင်းတစ်လကျော်ကာလအတွင်းအမြင့်ဆုံးဈေးနှုန်းဖြစ်ကြောင်း www.cnbc.com အင်တာနက် website တွင် ဖော်ပြပါရှိပါသည်။