စုံစမ်းစစ်ဆေးမှုအတတ်ပညာသင်ကျောင်း၌ ဒုတိယစုံစမ်းရေးမှူးလုပ်ငန်းခွင်ဝင် သင်တန်းအမှတ်စဉ်(၅) သင်တန်းဖွင့်ပွဲအခမ်းအနားကျင်းပ

အထူးစုံစမ်းစစ်ဆေးရေးဦးစီးဌာန၊ စုံစမ်းစစ်ဆေးမှုအတတ်ပညာသင်ကျောင်း၌ ၂၉-၄-၂၀၂၄ ရက်နေ့ (၀၈၃၀)အချိန်တွင် အထူးစုံစမ်းစစ်ဆေးရေးဦးစီးဌာန၊ ဒုတိယစုံစမ်းရေးမှူးလုပ်ငန်းခွင်ဝင်သင်တန်း အမှတ်စဉ်(၅) သင်တန်းဖွင့်ပွဲအခမ်းအနားကျင်းပပြုလုပ်ခဲ့ရာ အခမ်းအနားသို့ အထူးစုံစမ်းစစ်ဆေးရေးဦးစီးဌာန၊ ညွှန်ကြားရေးမှူးချုပ်၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကျောင်းအုပ်ကြီး၊ ဒုတိယကျောင်းအုပ်ကြီးနှင့် ဖိတ်ကြားထားသော လက်ထောက်ညွှန်ကြားရေးမှူးများ၊ စုံစမ်းစစ်ဆေးမှုအတတ်ပညာသင်ကျောင်းမှ အမှုဆောင်ဝန်ထမ်းများနှင့် သင်တန်းသား(၅၆) ဦး စုစုပေါင်း (၇၀)ဦးခန့်တက်ရောက်ခဲ့ကြပါသည်။

အခမ်းအနားတွင် ညွှန်ကြားရေးမှူးချုပ်မှ သင်တန်းဖွင့်ပွဲ မိန့်ခွန်းပြောကြားကာ သင်တန်းအား ဖွင့်လှစ်ပေးခဲ့ပြီး သင်တန်းသားများနှင့်တွေ့ဆုံ၍ လမ်းညွှန်အမှာစကားပြောကြားခဲ့ပါသည်။ အဆိုပါ သင်တန်းအား ၂၉-၄-၂၀၂၄ ရက်နေ့မှ ၂၁-၆-၂၀၂၄ ရက်နေ့ထိ ရက်သတ္တပတ် (၈)ပတ်ကြာ ဖွင့်လှစ်သင်ကြားမည်ဖြစ်ပြီး ဦးစီးဌာနချုပ်ရှိ ဌာနများ၊ တိုင်း‌ဒေသကြီး/ပြည်နယ်ရုံးများမှ ဒုတိယစုံစမ်းရေးမှူး အမျိုးသား(၃၇)ဦးနှင့် အမျိုးသမီး(၁၉)ဦး တို့တက်ရောက်လျက်ရှိပါသည်။

ယင်းနောက် ညွှန်ကြားရေးမှူးချုပ်မှ သင်တန်းကျောင်း ပင်မရုံး၊ သင်တန်းသား(အမျိုးသမီး) အိပ်ဆောင်၊ သင်တန်းသားအိပ်ဆောင်၊ စားရိပ်သာ၊ စားချက်ဆောင်နှင့် နည်းပြဧည့်ရိပ်သာ အဆောက်အဦတို့အား လှည့်လည်ကြည့်ရှုစစ်ဆေးခဲ့ပြီး လိုအပ်သည်များ လမ်းညွှန်မှာကြားခဲ့ပါသည်။

ညွှန်ကြားရေးမှူးချုပ်မှ သင်တန်းဖွင့်ပွဲ မိန့်ခွန်းပြောကြားခြင်း

သာသနာတော်ဆိုင်ရာ ဘွဲ့တံဆိပ်ဆက်ကပ်ခြင်းနှင့် စတုဒီသာကျွေးမွေးလှူဒါန်းခြင်း

        အထူးစုံစမ်းစစ်ဆေးရေးဦးစီးဌာန၊ ကရင်ပြည်နယ်ရုံး စည်းရုံးရေးကော်မတီဥက္ကဋ္ဌ ညွှန်ကြားရေးမှူး ဦးခင်ဇော်၏ ကြီးကြပ်မှုဖြင့် ဒုတိယ ညွှန်ကြားရေးမှူး ဦးမျိုးသက်စိုး မှ ဦးဆောင်၍ ကရင်ပြည်နယ်အစိုးရအဖွဲ့က ကြီးမှူးကျင်းပသော သာသနာတော်ဆိုင်ရာ ဘွဲ့တံဆိပ် ဆက်ကပ်လှူဒါန်းပွဲတွင် ဘွဲ့ခံဆရာတော်/သီလရှင်(၁၅)ပါးတို့အား နဝကမ္မဝတ္ထုငွေကျပ် ၁၄၀,၀၀ဝိ/- ဆက်ကပ်လှူဒါန်းခြင်း၊ ဘားအံမြို့၊ ရွှေယဉ်မျှော်ပြည်တော်ဧ စေတီတော်ရင်ပြင်နှင့် ကမ်းနားလမ်း တစ်လျှောက်တွင် ရဟန်း၊ သာမဏေ၊ သီလရှင် စုစုပေါင်း(၂၃၈၃)ပါးတို့အား ငွေကျပ် ၅၇၃,၇၀ဝိ/-တန်ဖိုးရှိ ဆွမ်းဆန်စိမ်းလောင်းလှူခြင်း၊ ကုသိုလ်ပြုအဖြစ် ရွှေယဉ်မျှော်ဘုရား နိဗ္ဗာန်ဈေးတွင် ငွေကျပ် ၂၁၇၀၀ဝိ/-တန်ဖိုးရှိ ဆနွင်းမကင်း၊ ကောက်ညှင်းရွှေကြည်မုန့်ဘူးများ စတုဒီသာ ကျွေးမွေးလှူဒါန်းခြင်းဖြင့် စုစုပေါင်း တန်ဖိုးငွေ ၉၃၀၇၀ဝိ/- (ကျပ်ကိုးသိန်းသုံးသောင်းခုနှစ်ရာတိတိ) အား လှူဒါန်းခဲ့ပါသည်။

ပဲခူးတိုင်းဒေသကြီးရုံး ဝန်ထမ်းများအတွက် သက်သာချောင်ချိရေးထောက်ပံ့ပေးခြင်း

        အထူးစုံစမ်းစစ်ဆေးရေးဦးစီးဌာန၊ ပဲခူးတိုင်းဒေသကြီးရုံး၊ စည်းရုံးရေးကော်မတီနှင့် မိသားစုစည်းရုံးရေးနှင့်စည်းကမ်းထိန်းသိမ်းရေးကော်မတီ၏ စီစဉ်ကြီးကြပ်မှုဖြင့် ဝန်ထမ်းနှင့်မိသားစုဝင်များ သက်သာချောင်ချိစေရန် ရည်ရွယ်၍ ၂၀၂၄ ခုနှစ်၊ မတ်လအတွက် ဝန်ထမ်း(၁)ဦးလျှင် ကျသင့်ငွေ ၂၄,၆၀ဝိ/- တန်ဖိုးရှိ မြောင်းမြ ပေါ်ဆန်းမွှေးဆန်(၄)ပြည်နှင့် ဆီ(၅၀)ကျပ်သားတို့ကို ထောက်ပံ့ပေးအပ်ခဲ့ရာ ဝန်ထမ်း(၉၀)ဦးအတွက် စုစုပေါင်းတန်ဖိုးငွေ ၂,၂၁၄,၀၀ဝိ/- (ကျပ်နှစ်ဆယ်နှစ်သိန်း တစ်သောင်းလေးထောင်တိတိ) အား ထောက်ပံ့ပေးအပ်ခဲ့ပါသည်။

ရန်ကုန်တိုင်းဒေသကြီးရုံး ဝန်ထမ်းများအတွက် သက်သာချောင်ချိရေးထောက်ပံ့ပေးခြင်း

အထူးစုံစမ်းစစ်ဆေးရေးဦးစီးဌာန၊ ရန်ကုန်တိုင်းဒေသကြီးရုံး၊ စည်းရုံးရေးကော်မတီနှင့် မိသားစုစည်းရုံးရေးနှင့် စည်းကမ်းထိန်းသိမ်းရေးကော်မတီ၏ စီစဉ်ကြီးကြပ်မှုဖြင့် ဝန်ထမ်းနှင့် မိသားစုဝင်များ သက်သာချောင်ချိစေရန် ရည်ရွယ်၍ ၂၀၂၄ ခုနှစ်၊ မတ်လအတွက် ဝန်ထမ်းတစ်ဦးလျှင် ငွေကျပ် ၂၅၀၀ဝိ/- (ကျပ်နှစ်သောင်းငါးထောင်တိတိ) တန်ဖိုးရှိ ဆန်(၃)ပြည်နှင့် ဆီ(၅၀) ကျပ်သားစီအား ဝန်ထမ်း(၁၁၅)ဦးအတွက် စုစုပေါင်း ထောက်ပံ့စရိတ် ၂၈၇၅၀၀ဝိ/- (ကျပ်နှစ်ဆယ့်ရှစ်သိန်း ခုနှစ်သောင်းငါးထောင်တိတိ) အား ထောက်ပံ့ ပေးအပ်ခဲ့ပါသည်။

အထူးစုံစမ်းစစ်ဆေးရေးဦးစီးဌာန၊ လစဉ်စာပေဆွေးနွေးဟောပြောပွဲ ကျင်းပပြုလုပ်သည့်သတင်း

        အထူးစုံစမ်းစစ်ဆေးရေးဦးစီးဌာနတွင် တာဝန်ထမ်းဆောင် လျက်ရှိသောဝန်ထမ်းများ အသိဉာဏ်ဗဟုသုတများ တိုးပွားလာစေရေး၊  လူ့စွမ်းအားအရင်းအမြစ်များ ပိုမိုဖွံ့ဖြိုးတိုးတက် လာစေရေးတို့ ဖြစ်ပေါ်လာစေရန် ရည်ရွယ်ချက်များဖြင့် စာပေဆွေးနွေးဟောပြောပွဲများအား လစဉ်ကျင်းပပြုလုပ်လျက်ရှိရာ ၂၀၂၄ ခုနှစ်၊ ဧပြီလအတွက် စာပေဆွေးနွေးဟောပြောပွဲအား ၂၉-၄-၂၀၂၄ ရက်၊ ၁၅၀၀ အချိန်မှ ၁၆၀၀ အချိန်ထိ အထူးစုံစမ်းစစ်ဆေးရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ပါသည်။ စာပေဆွေးနွေးဟောပြောပွဲသို့ ဦးစီးဌာနချုပ်ရုံးရှိ ဌာနများမှ ဝန်ထမ်းများတက်ရောက်ခဲ့ကြပြီး စီမံခန့်ခွဲရေးနှင့်လေ့ကျင့်ရေးဌာနမှ ဝန်ထမ်းတစ်ဦးက “ဝန်ထမ်းကောင်းတစ်ယောက်ရဲ့ စိတ်ဓာတ်ဆောင်ရွက်ချက်” ခေါင်းစဉ်ဖြင့်လည်းကောင်း၊ ဥပဒေနှင့်အကျိုးဆောင်ဌာနမှ ဝန်ထမ်းတစ်ဦးက “ထိမ်းမြားလက်ထပ်ခြင်းနှင့် တစ်လင်တစ်မယား စနစ်ကျင့်သုံးခြင်း ဆိုင်ရာဥပဒေအကြောင်း” ခေါင်းစဉ်ဖြင့်လည်းကောင်း၊ စုံစမ်းရေးနှင့် ငွေကြေးဆိုင်ရာဌာနမှ ဝန်ထမ်းတစ်ဦးက “Virtual Assets Service Provider (ဒီဂျစ်တယ်ပိုင်ဆိုင်မှုပစ္စည်းများ နှင့်ပတ်သက်၍ ဝန်ဆောင်မှုပေးသူများ) ဆိုင်ရာသိကောင်းစရာများ” ခေါင်းစဉ်ဖြင့်လည်းကောင်း အသီးသီးဆွေးနွေးဟောပြောခဲ့ကြပါသည်။

“ ဝန်ထမ်းကောင်းတစ်ယောက်ရဲ့ စိတ်ဓါတ်ဆောင်ရွက်ချက်” ခေါင်းစဉ်ဖြင့် ဆွေးနွေးရှင်းလင်းခြင်း

“ ထိမ်းမြားလက်ထပ်ခြင်းနှင့် တစ်လင်တစ်မယားစနစ်ကျင့်သုံးခြင်းဆိုင်ရာ ဥပဒေအကြောင်း” ‌ ခေါင်းစဉ်ဖြင့် ဆွေးနွေးရှင်းလင်းခြင်း

“ Virtual Assets Service Provider (ဒီဂျစ်တယ်ပိုင်ဆိုင်မှုပစ္စည်းများနှင့်ပတ်သက်၍ ဝန်ဆောင်မှုပေး‌သူများ)

ဆိုင်ရာသိကောင်းစရာများ” ခေါင်းစဉ်ဖြင့် ဆွေးနွေးရှင်းလင်းခြင်း